Viačorka adkazaŭ Kavaleŭskamu, jaki «niečakana raźviarnuŭ svaje pazicyi na 180 hradusaŭ»: Ni ŭ jakim razie samim nie panižać staŭki
«Čuŭ taki žart, što ci to jaho ŭkusiŭ Prejhierman, ci to jon choča nazad na pracu ŭ MZS Biełarusi».
Daradca Śviatłany Cichanoŭskaj Franak Viačorka ŭ intervju «Našaj Nivie» (poŭnaje intervju budzie apublikavana paźniej) adkazaŭ na zajavy Valera Kavaleŭskaha, kiraŭnika Ahienctva jeŭraatłantyčnaha supracoŭnictva i byłoha člena Kabinieta Cichanoŭskaj.
«Naša Niva»: Kavaleŭski nazvaŭ inicyjatyvu pra kruhły stoł pravakacyjnaj. Jak ty prakamientuješ?
Franak Viačorka: Kali my dojdziem da tranzitu, kruhły stoł budzie prosta nieabchodnaściu. Heta pasył namienkłatury i pramacvańnie hleby na budučyniu. A amierykanskaja miedyjacyja — heta toj šaniec siońnia, jakim treba karystacca dziela deeskałacyi situacyi. Ničoha pravakacyjnaha tut niama, i svaje mesedžy my kaardynujem z partniorami.
«NN»: Što ŭ vas za kanflikt z Kavaleŭskim?
FV: Jon niečakana raźviarnuŭ svaje pazicyi na 180 hradusaŭ.
Čuŭ taki žart, što ci to jaho ŭkusiŭ Prejhierman, ci to jon choča nazad na pracu ŭ MZS Biełarusi. Ciapier mižnarodnaja aktyŭnaść Kavaleŭskaha skiravanaja na apraŭdvańnie Łukašenki, vyviadzieńnie ź izalacyi i z-pad sankcyj. Chacia zdajecca, ciapier toj momant, kali treba vyciskać ź situacyi maksimum, vyciahvać jak možna bolšuju kolkaści ludziej, dabivacca bolšych sastupak. I ni ŭ jakim razie samim nie panižać staŭki.
«NN»: Ty dapuskaješ, što vy jašče budziecie pracavać u adnoj kamandzie?
FV: Časam žyćcio składvajecca tak, što treba pracavać i z tymi, z kim razychodziacca pazicyi. Važna, kab supadali mety i kaštoŭnaści. A pazicyi, asabliva na mižnarodnaj arenie, nieabchodna ŭzhadniać. U Kabiniecie i ŭ Ofisie ciapier mocnaja mižnarodnaja kamanda, jakaja adkrytaja da supracy na pryncypach uzajemapavahi i davieru dziela pieramienaŭ u Biełarusi.
Kavaleŭski: Cichanoŭskija nie razumiejuć dalikatnaści i składanaści humanitarnaha treku, jaki pryvioŭ da vyzvaleńnia 300 palitviaźniaŭ
Kavaleŭski patłumačyŭ, za jaki dyjałoh pamiž hramadstvam i ŭładami jon vystupaje
Kavaleŭski prapanuje zdymać sankcyi dziela vyzvaleńnia palitviaźniaŭ
Kavaleŭski: Vyzvaleńnie palitviaźniaŭ patrabuje adychodu ad nierealistyčnych patrabavańniaŭ i ŭltymatumaŭ
Ciapier čytajuć
«Hubazikaŭcy schilajuć Kaleśnikavu da vysyłki, ale jana nie choča»1
Kamientary
"Chacia zdajecca, ciapier toj momant, kali treba vyciskać ź situacyi maksimum, vyciahvać jak možna bolšuju kolkaści ludziej, dabivacca bolšych sastupak" --- heta pazicyja Kavaleŭskaha, nie Viačorki.
Astatniuju łuchtu kamientavać nie budu.