Kavaleŭski: Vyzvaleńnie palitviaźniaŭ patrabuje adychodu ad nierealistyčnych patrabavańniaŭ i ŭltymatumaŭ
Volha Harbunova, Valer Kavaleŭski i Taćciana Chomič sustrelisia 11 sakavika ź viarchoŭnym kamisaram AAN pa pravach čałavieka Folkieram Ciurkam u jaho štab-kvatery ŭ Ženievie, paviedamlaje «Ahienctva jeŭraatłantyčnaha supracoŭnictva».
Hałoŭnaj temaj razmovy staŭ praciah sadziejničańnia vyzvaleńniu palitviaźniaŭ u Biełarusi: revizija tych namahańniaŭ, jakija ŭžo zroblenyja na hetym napramku, acenka situacyi. Baki abmierkavali novyja praktyčnyja kroki, jakija mohuć dapamahčy vyzvaleńniu ludziej i vyrašeńniu inšych sistemnych vyklikaŭ, najpierš represij, što praciahvajucca ŭ Biełarusi.
«Vyzvaleńnie palitźniavolenych patrabuje adychodu ad nierealistyčnych, maksimalisckich patrabavańniaŭ i ŭltymatumaŭ. Aktyŭnaja dypłamatyja, adkaznyja kamunikacyi i vykarystańnie sankcyj i inšych isnych abmiežavalnych zachadaŭ dziela vyzvaleńnia palitviaźniaŭ siońnia najbolš adpaviadajuć składanamu i dynamičnamu mižnarodnamu kantekstu. Na hetym fonie AAN pakazvaje vysoki ŭzrovień infarmavanaści ahulnapalityčnaj situacyjaj i stanam pravoŭ čałavieka ŭ Biełarusi. Aktyŭnuju pazicyju i mižnarodnyja kantakty AAN u tym liku viarchoŭnaha kamisara Folkiera Ciurka dziela sadziejničańnia vyrašeńniu šmatlikich vyklikaŭ, jakija stajać pierad Biełaruśsiu, možna tolki vitać», — adznačyŭ Valer Kavaleŭski.
-
Siostram Hruździevym nie dazvolili vystupić na hałoŭnym forumie ŭ Dzień adzinstva, a padpisčyki zapadozryli ich u zdradzie
-
Izrail unios u čorny śpis sotni kryptakašalkoŭ, mierkavana, źviazanych ź iranskimi śpiecsłužbami. Zabłakavanyja $1,5 miljona
-
Saša Filipienka: Statkievič — hłyba, ale ŭ Biełarusi ŭžo dastatkova Mandełaŭ na kvadratny mietr
Ciapier čytajuć
«Hubazikaŭcy schilajuć Kaleśnikavu da vysyłki, ale jana nie choča»1
Kamientary