U vydaviectvie Ramana Cymbierava vyjšła kniha «Janka Kupała i Jakub Kołas u profil i anfas. Z historyi siabroŭskaha šaržu» — navinka ad Siarhieja Šaprana pra toje, jak žartoŭna vyjaŭlali kłasikaŭ biełaruskaj litaratury, piša Bellit.info.
Raspaŭsiudžanaje mierkavańnie, što kupała– i kołasaznaŭstva — najbolš daśledavanyja temy sučasnaj biełaruskaj humanitarystyki i tamu adkryćci tut apryjory vyklučanyja, naŭrad ci možna nazvać słušnym. Prykładam tamu choć by hetaja kniha, dzie ŭpieršyniu sabranyja 44 siabroŭskija šaržy na Janku Kupału i Jakuba Kołasa.
«Siońnia ja ščyra ŭdziačny ŭsim, chto tak ci inačaj spryjaŭ hetamu daśledavańniu. Najpierš heta šanoŭnyja Kupałaŭski i Kołasaŭski muziei i, biezumoŭna, navukovy i mietadyčny časopis «Rodnaje słova», na staronkach jakoha i adbylisia pieršyja publikacyi frahmientaŭ budučaj knihi. Aproč taho, ja biaźmiežna ŭdziačny ŭsim, chto razam sa mnoj pracavaŭ nad hetym vydańniem i chto, što asabliva kaštoŭna, dapamoh ažyćciavić jaho — kab nie vaša padtrymka, knihi mahło b nie być», — prakamientavaŭ u sacsietkach vychad knihi Siarhiej Šapran.
Pieršyja narodnyja paety Biełarusi nieadnojčy rabilisia hierojami siabroŭskich kpinaŭ mastakoŭ, pryčym jak viadomych, tak i zabytych siońnia. U ich liku B. Antanoŭski, Bierk, Ł. Bojka, V. i A. Vołkavy, Je. Hankin, H. Dakalskaja, K. Jelisiejeŭ, Z. Paŭłoŭski, I. Ihin, Ja. Kaškiel, D. Krasilnikaŭ, Kukryniksy, M. Malevič, S. Ramanaŭ, H. Roze, A. Tarasienkaŭ. Adnak, niahledziačy na bolš čym stohadovuju historyju, hety aryhinalny žanr nikoli kanceptualna nie daśledavaŭsia, a bolšaść malunkaŭ była, zdavałasia b, nazaŭsiody «pachavanaja» ŭ starych časopisach i padšyŭkach haziet.
U knizie «Janka Kupała i Jakub Kołas u profil i anfas. Z historyi siabroŭskaha šaržu» daśledčyka biełaruskaj litaratury Siarhieja Šaprana ŭpieršyniu razam pradstaŭlenyja ŭsie viadomyja na siońnia šaržy na pieśniaroŭ, adna ź niesumniennych vartaściaŭ jakich u tym, što, zroblenyja pieravažna pry žyćci kłasikaŭ, jany stali kaštoŭnym śviedčańniem minułaj epochi.
Knihu možna kupić u Minsku ŭ kniharni «Akademičnaja kniha», a taksama zamović praz sajt Kniger.by ci prydbać u HC «Kupałaŭski», ralety 41— 42 (st. m. Kastryčnickaja).
Saša Filipienka paśla zabarony prodažu «Słana» ŭ Biełarusi vykłaŭ jaho ŭ sieciva
U novym biełaruskim vydaviectvie TAMAKA, jakoje choča zakryć nišu vizualnaha mastactva, vyjšła debiutnaje vydańnie
Pieravydajecca kniha Siarhieja Dubaŭca «Majstroŭnia. Historyja adnaho cudu»
Ci vyjdzie bijahrafija Paźniaka i ŭ čym hałoŭnaja prablema biełaruskaj litaratury? Januškievič — pra tyražy i kankurencyju z ruskaj knihaj
Ciapier čytajuć
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie2
Kamientary