Chto taki Michaił Miachovič — siłavik, jaki viadzie kanał HUBAZiKa i adkazvaje za prabiŭ ludziej

Michaiłu Miachoviču 34 hady. Rodam jon z Tałačyna (Viciebskaja vobłaść). Viadoma, što z 2014 hoda jon pracavaŭ u milicyi ŭ Homieli. Ale ŭ 2017 hodzie, pa źviestkach kiraŭnika arhanizacyi «Bajpoł» i byłoha supracoŭnika HUBAZiKa Alaksandra Azarava, jon paprasiŭsia na pieravod u Minsk pa siamiejnych abstavinach.

Alaksandr kaža, što Miachoviča zaprykmieciŭ Michaił Biedunkievič — jany abodva zachaplalisia futbołam. Biedunkievič farmiravaŭ u pieršym adździele treciaha ŭpraŭleńnia HUBAZiKa hrupu kampjutarnaj raźviedki i Miachoviča ŭziali tudy staršym apierupaŭnavažanym. Pa infarmacyi Azarava, Michovič zajmaŭsia taksama viadzieńniem telehram-kanałaŭ HUBAZiKa.

Pa pracy Miachovič ničym asablivym nie vydzialaŭsia. «Jość opiery, jakich usie viedajuć i jakija raskryvajuć hučnyja spravy, ale jon nie taki — prosta opier», — kaža Azaraŭ.

Ciapier Miachovič zajmajecca prabivam zatrymanych — pošukam śladoŭ ich udziełu ŭ demanstracyjach ci ich vykazvańniaŭ. Naprykład, kali prychodziać da čałavieka na pieratrus, a tam jość jašče adzin, to prahladajuć, što pa im viadoma.

Padobna, što milicejskuju bazu «Aktyvist» Miachovič i viadzie.

Pa našych źviestkach, Miachovič taksama braŭ udzieł u zatrymańniach i zapisach prynižalnych videa ź biełarusami, zatrymanymi pa palityčnych matyvach.

Paśla 2020 hoda HUBAZiK z upraŭleńnia pa baraćbie z arhanizavanaj złačynnaściu pieratvaryŭsia ŭ palityčnuju palicyju, jakaja represuje palityčnych praciŭnikaŭ režymu Alaksandra Łukašenki. 

Paśla napadu Rasii na Ukrainu na HUBAZiK byli ŭskładzienyja zadačy zadušeńnia antyvajennych pratestaŭ u Biełarusi, spynieńnia sabatažu na čyhuncy i identyfikacyi hramadzian, jakija pierasyłajuć u niezaležnyja telehram-kanały infarmacyju ab pierasoŭvańniach rasijskich vojskaŭ. 

Aficery struktury zapisvali videa z zatrymanymi pa palityčnych pryčynach, a paśla ich pakazvali na fonie płakataŭ ź litaraj Z — simvałam rasijskaj ahresii.

U źviazanych z HUBAZiKam kanałach viałasia adkrytaja prapahanda rasijskaha impieryjalizmu i nahniatałasia nianaviść nie tolki da ludziej ź inšymi pohladami, ale i da biełaruskaj movy, inšych jeŭrapiejskich narodaŭ i ŭsiaho niaruskaha. 

Apošnija hady HUBAZiK adyhryvaŭ centralnuju rolu ŭ razbureńni biełaruskaj dziaržaŭnaści: ź jaho ŭdziełam byli vyniščanyja apazicyjnyja palityčnyja struktury, niezaležnyja ŚMI, vychałaščanaja kultura, raskidanyja niepadkantrolnyja ŭładam biznesy. Dziasiatki tysiač ludziej prajšli praz zatrymańni, sotni tysiač vymušanyja byli pakinuć radzimu. 

Kali vam važna toje, što robić «Naša Niva», padtrymajcie nas praz Patreon, praz Pejpoł, abo pieradaŭšy Redakcyi ich lubym inšym zručnym dla vas sposabam, praz tych redaktaraŭ i žurnalistaŭ «Našaj Nivy», jakich vy viedajecie asabista.

A jašče — padkazvajcie nam, na što źviarnuć uvahu, i pieradavajcie infarmacyju znutry Biełarusi praz sakretny čat u telehramie @nn_editor abo na mejł [email protected]. Abo ŭ Sihnał ci inšym sposabam tym z redaktaraŭ i žurnalistaŭ «NN», jakich viedajecie asabista.

• 6
• 3
• 0
• 4
• 0
• 0
• 25
• 0