Na Viciebščynie biełarusy dniami naźbirali niekalki viodraŭ žuravin
Viasnoj padčas vialikich vychadnych Volha razam z mužam sabrała na bałocie niekalki viodraŭ sakavitych žuravin. U apublikavanym videa ŭ TikTok žančyna padzialiłasia, dzie čakaje taki ŭradžaj, piša Kraj.by.
«Nu jak siadzieć doma?»
— Nastali vialikija vychadnyja — 4 dni. Nu jak siadzieć doma? — dzivicca Volha. — Znoŭ ja pajechała ŭ žuraviny, ale siońnia z mužam.
Žančyna adznačyła, što kirunak suražski, i padzialiłasia, što daroha da bałota vielmi drennaja — raźbitaja lesavozami.
«U paraŭnańni z tymi bałotami, dzie ja była, tut naohuł stolki vady! — raskazvaje Volha. — Nu, jak by jahadak sabrali».
«Tak što, achvotnyja, možacie pryjazdžać i paźbirać žuraviny-vieśnianki», — zaprašaje žančyna.
U kamientarach pad videa ździvilisia i adnačasova zachapilisia ŭradžajem jahad u krasaviku.
Volha ŭdakładniła, što bałota, dzie paśla vosieni zastałosia stolki jahad, znachodzicca za Viciebskam.
I patłumačyła, čamu hetaja jahada nazyvajecca «žuravinami-vieśniankami».
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary