Prapahandyscki telehram-kanał zhadaŭ, jak pamierły pres-sakratar MNS Vital Navicki addana pracavaŭ na ich
«Jon nienavidzieŭ zmaharskich vyłupkaŭ da zubnoha skryhatańnia».
Pres-sakratar MNS Vital Navicki pamior u 41 hod u 2022-m. Mnohim jon zapomniŭsia jak adkryty da kamientaroŭ i aktyŭny ŭ tvitary rabotnik. Ale paśla śmierci stała viadoma pra inšy bok žyćcia mužčyny.
Paśla 2020-ha ŭ Navickaha źjaviłasia novaja funkcyja — kantrolu za sacsietkami supracoŭnikaŭ MNS. A taksama akazałasia, što Navicki supracoŭničaŭ z adyjoznym telehram-kanałam «Ludažory». Siarod tych, chto viadzie kanał — supracoŭnik «SB» Juryj Cierach, a sens ich dopisaŭ — palivać brudam apazicyjnych palitykaŭ, niezaležnych dziejačoŭ hramadstva i kultury, Ukrainu i Zachad.
Niadaŭna asobu Navickaha zhadali ŭ prajekcie «Miedyjažaba» (tam žurnalisty abmiarkoŭvajuć pracu miedyja), na što kanał «Ludažory» adreahavaŭ i vydaŭ charaktarystyku svajmu byłohu kalehu.
«Vitalik Navicki z samaha dvaccataha hoda byŭ u našaj tatalitarnaj siekcie «Ludažory» (…). I zmaharskich vyłupkaŭ jon nienavidzieŭ da zubnoha skryhatańnia. I voś tady, u samyja haračyja i turbulentnyja časy, razabraŭšysia z asnoŭnymi słužbovymi abaviazkami ŭ jakaści pres-sakratara MNS, jon prychodziŭ siudy, i dapamahaŭ łamać chrybiet miaciažu na infarmacyjnym poli. Jon litaralna biŭsia za Biełaruś da apošniaha ŭzdychu», — napisali ŭ kanale.
Ciapier čytajuć
Asudžany za «Hajun» da chimii brat Ihara Łosika ŭciok ź Biełarusi3
Kamientary