U Litvie stabalnikaŭ premirujuć niemałymi hrašyma. A ich nastaŭnikaŭ — jašče bolšymi. Ale sioleta sistema ledź nie złamałasia
Biełarusy pra takoje mohuć tolki maryć: samyja starannyja vypuskniki Litvy atrymlivajuć hrošaj na svoj pieršy aŭtamabil prosta za pośpiech na CT. U susiedniaj z nami krainie jość tradycyja premiravać najlepšych vypusknikoŭ. Suma zaležyć ad horada. U niekatorych vypłaty dachodziać da 1000 jeŭra za kožnyja atrymanyja sto bałaŭ.
Hrošy talenavitym vypusknikam vypłačvajuć samakiravańni — anałah biełaruskaha vykankama, tolki ŭ Biełarusi ich pryznačajuć źvierchu, a ŭ Litvie vybirajuć.
«Kali abituryjent atrymlivaje try sotki, to jamu vypłačvajem 3000 jeŭra», — raskazvaje Dalus Mackiavičus, vice-mer Łaździjajskaha rajona na poŭdni Litvy.
«Sotka — vypuskniku, a nastaŭniku, jaki padrychtavaŭ stabalnika, vydzialajecca 300 jeŭra. Važna, kab maładyja ludzi mieli metu imknucca da viedaŭ, skančać VNU, viartacca ŭ rodny horad i tut stvarać dabrabyt hetaha horada», — kaža mer Kłajpiedy Arvidas Vajtus.
U hetym hodzie kolkaść stabalnikaŭ u Litvie vyrasła bolš jak u 4 razy, bolš za 3000 čałaviek atrymali sto bałaŭ na 5900 ekzamienach. I heta nie tamu, što junaki rezka stali lepš vučycca. Prosta novy levacentryscki ŭrad raskrytykavaŭ uviedzienyja minułym, pravacentrysckim, bolš strohija standarty acenki viedaŭ. I pastanaviŭ pa ŭsich pradmietach, akramia litoŭskaj movy, aŭtamatam nakinuć usim sioletnim abituryjentam pa 10 bałaŭ.
Heta stała adkazam na krytyku z boku vučniaŭ. Ale častka hramadstva i apazicyja taki krok raskrytykavała.
«Ad školnikaŭ my ŭžo čujem, što jany adčuvajuć hetyja svaje sto bałaŭ niezasłužanymi», — raskazała litoŭskamu hramadskamu telebačańniu adna z nastaŭnic. «Moža być i zachutka tyja źmieny ŭviali. Ale atrymałasia jak atrymałasia, i my musim žyć z hetym», — skazaŭ adzin sa stabalnikaŭ.
Tym nie mienš, usie samakiravańni abiacajuć premii adoranym vypusknikam vypłacić.
Ciapier čytajuć
Ci vyjdzie bijahrafija Paźniaka i ŭ čym hałoŭnaja prablema biełaruskaj litaratury? Januškievič — pra tyražy i kankurencyju z ruskaj knihaj4
Ci vyjdzie bijahrafija Paźniaka i ŭ čym hałoŭnaja prablema biełaruskaj litaratury? Januškievič — pra tyražy i kankurencyju z ruskaj knihaj
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary