«Paškodžana — heta ničoha nie skazać». U Mahilovie ŭrahan narabiŭ biady na dziasiatku mohiłak
U Mahilovie paśla mocnaha ŭrahanu, jaki prajšoŭ 9—10 lipienia, mocna paciarpieli 11 haradskich mohiłak. Jak zajaviŭ ministr pa nadzvyčajnych situacyjach Vadzim Siniaŭski, skazać, što jany paškodžanyja — heta ničoha nie skazać.
Terytoryi mohiłak zavaleny vializnymi drevami, jość razburanyja aharodžy i paškodžańni na samich pachavańniach. Ludzi nie mohuć navat padyści da mahił svaich rodnych, tamu pachavańni na hetych učastkach časova niemahčymyja.
«Paškodžana — heta ničoha nie skazać. Jany prosta zavalenyja vialikimi drevami. Jość paškodžańni miescaŭ pachavańnia, aharodžaŭ i hetak dalej», — prakamientavaŭ situacyju ministr nadzvyčajnych situacyj Vadzim Siniaŭski.
Dla naviadzieńnia paradku na mohiłki ŭžo nakiravali 90 ratavalnikaŭ i 80 kursantaŭ Univiersiteta hramadzianskaj abarony, a taksama supracoŭnikaŭ MNS ź Minska i vobłaści, jakija majuć śpiecyjalny dopusk da pracy ź bienzapiłami. Jašče kala 105 čałaviek, u tym liku budučyja i dziejnyja ratavalniki, dałučacca da pracy.
Najbolš składanaja zadača — adsutnaść dostupu dla bujnoj techniki: mnohija raboty davodzicca vykonvać uručnuju. MNS, adnak, płanuje zaviaršyć rasčystku ciaham tydnia.
Sam horad, jak paviedamlajecca, u paradak užo pryviali — ciapier usia ŭvaha nakiravanaja na mohiłki.
U Mahilovie padčas niepahadzi žančynu zabiła drevam, jašče čatyry čałavieki paciarpieli
Śledčy kamitet apublikavaŭ padrabiaznaści hibieli žančyny ŭ Mahilovie, na jakuju ŭpała dreva
U Mahilovie ŭrahan źnios z bałkona norkavaje futra, jakoje znajšłosia za try kiłamietry ad doma
U lasnoj haspadarcy zamianiajuć narady na raźbirańnie burałomaŭ
Z-za ŭrahanu na Mahiloŭščynie pryjdziecca vysiekčy 18 kvadratnych kiłamietraŭ lesu
Stychija zakranuła kałoniju ŭ Mahilovie
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod32
Kamientary