Ekipaž Mižnarodnaj kaśmičnaj stancyi ŭpieršyniu viarnuŭsia na Ziamlu raniej zapłanavanaha terminu praz prablemy sa zdaroŭjem adnaho z udzielnikaŭ palotu. Kaśmičny karabiel Crew Dragon z ekipažam misii Crew-11 paśpiachova pryvadniŭsia ŭnočy 15 studzienia ŭ Cichim akijanie kala ŭźbiarežža San-Dyjeha, paviedamiła NASA.
U skład ekipaža ŭvachodzili astranaŭty NASA Ziena Kardman i Majk Fink, kasmanaŭt «Raskosmasu» Aleh Płatonaŭ i pradstaŭnik Japonskaha kaśmičnaha ahienctva Kimija Jui. Jany prabyli na MKS 165 dzion.
Misiju Crew-11 daviałosia zakončyć daterminova — heta pieršy taki vypadak u historyi NASA. Pryčynaj stali prablemy sa zdaroŭjem adnaho z členaŭ ekipaža, adnak jaho imia nie ahałošvajecca.
Pra chvarobu stała viadoma 8 studzienia, kali na stancyi skasavali zapłanavany vychad u adkryty kosmas.
Na hety momant na MKS zastajucca rasijskija kasmanaŭty Siarhiej Kudź-Śviarčkoŭ, jaki staŭ kamandziram stancyi, i Siarhiej Mikajeŭ, a taksama astranaŭt NASA Krystafier Uiljams. Prybyćcio nastupnaj misii Crew-12 čakajecca ŭ siaredzinie lutaha.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary
Daleje možietie pojedstaviť . Vozvrat časti ekipaža tam tožie v ścienarii .
Vot i dumaj .