Tramp zajaviŭ, što mirnaje pahadnieńnie pa Ukrainie zaciahvaje Zialenski, a nie Pucin
«Ja dumaju, jon hatovy zaklučyć ździełku, — skazaŭ Tramp pra Pucina. — Ja dumaju, Ukraina mienš hatovaja da ŭhody».
Prezident ZŠA śćviardžaje, što zaklučeńniu patencyjnaha mirnaha pahadnieńnia pieraškadžaje Ukraina, a nie Rasija.
U ekskluziŭnym intervju ahienctvu Reuters u Avalnym kabiniecie Tramp zajaviŭ, što prezident Rasii Uładzimir Pucin nibyta hatovy zakončyć vajnu va Ukrainie, jakuju jon pačaŭ i jakaja praciahvajecca ŭžo amal čatyry hady.
«Ja dumaju, jon hatovy zaklučyć uhodu, — skazaŭ Tramp pra rasijskaha prezidenta. — Ja dumaju, Ukraina mienš hatovaja da ździełki».
Na pytańnie, čamu pieramovy pad patranažam ZŠA dahetul nie pryviali da ŭrehulavańnia najbujniejšaha vajennaha kanfliktu ŭ Jeŭropie z časoŭ Druhoj suśvietnaj vajny, Tramp adkazaŭ adnym słovam: «Zialenski». «Ja dumaju, što jamu ciažka na heta pajści», — dadaŭ jon paśla ŭdakładnialnaha pytańnia.
Rytoryka Trampa rezka kantrastuje z pazicyjaj jeŭrapiejskich sajuźnikaŭ, jakija ličać, što Maskva nie zacikaŭlenaja ŭ spynieńni vajny va Ukrainie.
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB21
Kamientary