Daśviedčanamu ajcišniku z EPAM prysudzili kałoniju za danaty. Pahražała da vaśmi hadoŭ
U 2021 hodzie Andreja Zahorskaha žorstka zatrymlivaŭ HUBAZiK za aktyvizm u Novaj Baravoj.
Andreju Zahorskamu 37 hadoŭ. Jon rodam z Dokšycaŭ. Paśla škoły ŭ 2006 pastupiŭ u Biełaruski dziaržaŭny ŭniviersitet infarmatyki i radyjoelektroniki. Zahorski vučyŭsia na adnym z samych prestyžnych ajcišnych fakultetaŭ Biełarusi — kampjutarnych sistem i sietak, pa śpiecyjalnaści «vyličalnyja mašyny, sistemy i sietki». Prapisany ŭ Kopiščy — farmalna heta Minski rajon, ale pa sutnaści amal Minsk.
Padčas vučoby Andrej pačaŭ pracavać u EPAM. Miarkujučy pa Linkedin, jon apošnim časam pracavaŭ na pasadzie Lead Software Engineer — kiravaŭ častkaj kamandy raspracoŭki na prajekcie. Nieviadoma, žyŭ jon apošnim časam u Biełarusi ci nie.
Viadoma, što jon šmat padarožničaŭ. Voś, naprykład, jahonaje fota z Taronta na fonie CN Tower.
Upieršyniu jaho zatrymlivaŭ HUBAZiK u sakaviku 2021 hoda. Zahorski byŭ maderataram čata «Novaja Baravaja 98%». U jaho doma znajšli 1500 ulotak i kanfiskavali telefon.
Što ź im adbyvałasia dalej — nieviadoma. Ale kančatkova jaho zatrymali ci ŭ kancy 2024 hoda, ci ŭ pačatku 2025 hoda.
Andreja Zahorskaha asudzili da kałonii pa dvuch artykułach — č. 1 i č. 2 art. 361-2 KK (finansavańnie ekstremisckaj dziejnaści) i č. 2 art. 361-4 KK (sadziejničańnie ekstremisckaj dziejnaści). Jamu pahražała da ad 2 da 8 hadoŭ kałonii, ale prysud i sutnaść abvinavačańnia nieviadomyja.
«Naša Niva» — bastyjon biełaruščyny
PADTRYMAĆ
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary