Łukašenka zajaviŭ, što Łatuška nibyta chacieŭ spalić štab abjadnanaj apazicyi ŭ žniŭni 2020 hoda
Vystupajučy ŭčora ŭ Minsku na ŭračystym schodzie z nahody aficyjnaha Dnia Niezaležnaści, Łukašenka dazvoliŭ sabie ŭ čarhovy raz šerah źniavažlivych zajaŭ u dačynieńni da lidaraŭ demakratyčnaha ruchu.
Łukašenka, u pryvatnaści zajaviŭ, što ŭ žniŭni 2020 hoda jon byccam asabista spyniŭ pravakacyju.
«Kali b nie Łukašenka-dyktatar, ich spalili b u adnym domie, kali spravakavać ich chacieli. I hety «łachuškin» (tak Łukašenka nazvaŭ Paŭła Łatušku — NN) siadzić siońnia ŭ Polščy i viaščaje. A heta jon ich [šerah apazicyjanieraŭ] chacieŭ sabrać u adnym domie tut, u centry Minska (budynak na Viery Charužaj — NN), i spalić. Dziakuj bohu, što Cichanoŭskaj Śviatłany tam była achova tak zvanaja. Z MUS chłopiec «uniuchaŭ», što niešta nie tak, i patelefanavaŭ našym siłavikam. Jany mnie dałažyli.
Ja skazaŭ: «Publična, demanstratyŭna vaźmicie pad achovu hety dom». I ja z vulic źniaŭ «Alfu» i kinuŭ tudy, kab jany ŭbačyli, što my viedajem i achoŭvajem hety dom. Pravakacyja nie ŭdałasia. Ja ŭpieršyniu kažu pra čałavieka, jaki heta zadumvaŭ. Dla čaho? Dla taho kab być adnym lidaram hetaj usioj śmiardziučaj apazicyi. Jany da hetaha dastukalisia», — zajaviŭ Łukašenka.
Paźniej Pavieł Łatuška ŭ svaim telehram-kanale prakamientavaŭ zajavu Łukašenki.
«Patałahičny chłus Łukašenka pierasiahnuŭ samoha siabie. U noč na 10 žniŭnia 2020 hoda ja byŭ hienieralnym dyrektaram Kupałaŭskaha teatra i na svaje vočy bačyŭ zaryva ad vohniennych vybuchaŭ hranat nad centram Minska, kali pa jaho zahadzie pačali zabivać i ździekavacca ź biełarusaŭ. A adziny budynak, jaki achoŭvała «Alfa» KDB, była adna ź jaho ….-naccaci rezidencyj, u jakoj jon schavaŭsia i dryžaŭ ad strachu ad ludskoj niazhody i pratestu. Strach nie adpuskaje dyktatara dahetul. Choć mnie ŭjaŭlajecca, tut nie kamientar hetamu manałohu dyktatara varta davać, a dyjahnaz stavić treba», — zajaviŭ namieśnik Śviatłany Cichanoŭskaj i lidar NAU.
Pavieł Vinahradaŭ upieršyniu raskazvaje, jak jaho zakinuli na samaje dno biełaruskaj turmy. Jak heta — kali susiedzi za cyharetu jaduć čužoje haŭno2626
Kamientary
A vy navošta peckajecie charošaje słova "dzied"???
Pierastańcie nazyvać jaho "dziedam". Nazvajcie jak jość: dyktatar, uzurpatar, złačynca, maryjanietka Kramla, akupacyjnaja administracyja, ruskamirac, janyčar, niščyciel ułasnaha naroda, złodziej (vor), zabojca.