Prezident Francyi Emanuel Makron i prezident Rasii Uładzimir Pucin 1 lipienia ŭpieršyniu za try hady praviali telefonnuju razmovu. U Kramli paćvierdzili, što hutarka adbyłasia, toje ž zrabili ŭ Jelisiejskim pałacy ŭ Paryžy.
Jak paviedamlajecca, razmova praciahvałasia bolš za dźvie hadziny.
Pavodle francuzskaha vydańnia Le Monde, Makron zaklikaŭ Pucina jak maha chutčej spynić ahoń va Ukrainie. U adkaz Pucin znoŭ abvinavaciŭ Zachad u tym, što toj šmat hadoŭ farmavaŭ va Ukrainie «antyrasijskuju placoŭku» i ciapier zaciahvaje vajnu.
Taksama baki abmiarkoŭvali iranskuju jadziernuju prahramu. Abodva palityki vykazalisia za toje, kab vyrašać hety kanflikt palityčna-dypłamatyčnymi mietadami.
Makron padkreśliŭ, što Francyja padtrymlivaje niezaležnaść i terytaryjalnuju cełasnaść Ukrainy, i jašče raz zapatrabavaŭ nieadkładnaha spynieńnia ahniu.
Pavodle paviedamleńnia ahienctva France Press, Makron maje namier i dalej padtrymlivać kantakt z Pucinym.
Paviedamlajecca taksama, što paśla kantaktu z Pucinym Emanuel Makron patelefanavaŭ prezidentu Ukrainy Uładzimiru Zialenskamu i pierakazaŭ jamu źmiest razmovy.
NATA pierastanie dzialicca detalami vajskovaj dapamohi Ukrainie. Zrazumieli, što heta dapamahaje Pucinu
Makron zaklikaŭ stvaryć «kaalicyju niezaležnych» i nie hladzieć na Vašynhton i Piekin
Makron zaklikaŭ ZŠA ŭvieści sankcyi suprać Rasii, kali jana nie hatovaja da miru
Makron atrymaŭ pa tvary ad žonki
Kamientary