Makron zaklikaŭ stvaryć «kaalicyju niezaležnych» i nie hladzieć na Vašynhton i Piekin
Padčas kanfierencyi pa biaśpiecy «Dyjałoh Šanhry-Ła» ŭ Sinhapury 30 maja prezident Francyi Emanuel Makron zaklikaŭ krainy Jeŭropy i Paŭdniova-Uschodniaj Azii stvaryć «kaalicyju niezaležnych». Jon prapanavaŭ abjadnacca vakoł pryncypu viaršenstva prava i dziejničać biez aŭtamatyčnaha ŭzhadnieńnia z Vašynhtonam abo Piekinam, piša Euronews.
Makron padkreśliŭ, što hłabalnaje supiernictva ZŠA i Kitaja stvaraje pahrozu dla ŭsiaho śvietu, tamu «mienšyja dziaržavy» pavinny ŭziać na siabie bolšuju adkaznaść. Asnoŭnaj niebiaśpiekaj jon nazvaŭ «revizijanisckija krainy», jakija sprabujuć pieratvaryć śfiery ŭpłyvu ŭ śfiery prymusu.
Francuzski lidar papiaredziŭ pra «dvajnyja standarty»: kali zachodnija krainy, zaniatyja mahčymym kanfliktam vakoł Tajvania, spyniać padtrymku Ukrainy, heta padarvie davier da ich zdolnaści strymlivać Kitaj.
«Kali vy dazvolicie Rasii biespakarana zachapić častku Ukrainy, to što vy zrobicie ŭ toj dzień, kali niešta zdarycca z Tajvaniem?» — zapytaŭ jon.
Pramova prahučała ŭ prysutnaści ministra abarony ZŠA Pita Chiehseta. Makron taksama zhadaŭ płany Biełaha doma pierakinuć vojski ź Jeŭropy bližej da Kitaja, što, na jaho dumku, tolki ŭzmocnić patrebu ŭ niezaležnaj kaalicyi dla padtrymki mižnarodnaj stabilnaści.
Ciapier čytajuć
Babaryka: Kali b my pieramahli — vajny va Ukrainie nie było b23
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»77
Kamientary
Vopros dva - kohda jejo riealno sozdadut ?