Kamiera zafiksavała niečakany momant pamiž prezidentam Francyi Emanuelem Makronam i jaho žonkaj padčas ich prybyćcia ŭ Vjetnam. Žest pieršaj łedzi, što vyklikaŭ roznyja interpretacyi, imhnienna raspaŭsiudziŭsia ŭ sacsietkach i staŭ abjektam śpiekulacyj.
Pieršaja łedzi Francyi Bryžyt Makron rezka dakranułasia da tvaru prezidenta Francyi Emanuela Makrona na borcie samalota, jaki pryziamliŭsia ŭ aeraporcie Chanoja 25 maja, paviedamlaje Le Figaro.
Ahienctva Associated Press źniało na videa, jak adkryvajucca dźviery prezidenckaha samalota, paśla čaho Bryžyt Makron, jakuju całkam nie vidać, dakranajecca rukoj da tvaru muža.
Prezident Francyi vyhladaje ździŭlenym, ale paśla hetaha vitajecca macham ruki. Kali para rychtujecca spuścicca pa trapie, Makron praciahvaje ruku žoncy, ale jana admaŭlajecca jaje pryniać.
Videa šyroka razyšłosia ŭ sacsietkach. Pieršapačatkova ŭ Jelisiejskim pałacy admaŭlali sapraŭdnaść videazapisu. Zatym krynica Le Figaro, blizkaja da atačeńnia Makrona, paviedamiła, što pamiž paraj adbyłasia «banalnaja svarka».
Krynica nazvała heta zvyčajnaj «piaščotnaj pierapałkaj» pamiž mužam i žonkaj pierad pačatkam aficyjnaj pajezdki, momant blizkaści i rassłableńnia, jaki niekatoryja skarystali dla raspalvańnia zmovaŭ.
Pajezdka prezidenta Francyi praduhledžvaje vizity ŭ Vjetnam, Indanieziju i Sinhapur.
Ciapier čytajuć
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna15
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary
A potym hetkija žonki ščyra nie razumiejuć, čamu prylataje ŭ adkaz i raspačynajuć fiem-jońčańnie pra "piŭ/biŭ/nie ŭdzialaŭ uvahi". Hiendarnaja roŭnaść pačniecca tady, kali budzie adnolkavaja adkaznaść za ŭčynki ŭ niezaležnaści ad hiendaru. Ale fiemsupołkie takaja spraviadlivaść i roŭnaść nie patrebnaja. Ujavicie sabie, jaki lamant raspačaŭsia b, kali b situacyja była advarotnaja i pa tvary lasnŭli hetaj Brydžyt? Peŭna, užo b patrabavali adstaŭki Makrona. A tak usio źviadziecca da "chi-chi, cha-cha", "iana ž dziaŭčynka".