Cichanoŭskaja: Mazyrski NPZ — nahladny i balučy prykład taho, jak pamyłki Łukašenki rujnujuć ekanomiku i dabrabyt biełarusaŭ
Demakratyčnaja lidarka prakamientavała ŭklučeńnie Mazyrskaha NPZ u 21‑y pakiet sankcyj ES.
«Da 2022 hoda Ukraina dla hetaha pradpryjemstva była hałoŭnaj krynicaj prybytku. Biełaruski bienzin i dyziel zajmali da 50% ukrainskaha rynku. Ale ŭciahvańnie Biełarusi ŭ vajnu pastaviła kryž na hetym napramku. A prodaž paliva ŭ RF, jakoje traplaje potym u rasiejskuju armiju, zrabiła Mazyrski NPZ taksama i metaj dla vajennaha ŭdaru», — zaznačyła jana.
«Uklučeńnie Mazyrskaha NPZ u 21‑y pakiet sankcyjaŭ Jeŭrasajuza — heta pramy vynik dziejańniaŭ režymu. Ciapier pradpryjemstva nie zmoža nabyvać nijakaha jeŭrapiejskaha abstalavańnia i vykarystoŭvać licenzijny soft. Užo niekalki hadoŭ jak finansavyja pakazčyki zrabili tajamnicaj, ale my razumiejem, što bolš za 5000 rabotnikaŭ pradpryjemstva adčujuć nastupstvy pamyłak režymu.
Samaje strašnaje va ŭsim hetym — što za rašeńni režymu zaŭsiody płaciać zvyčajnyja biełarusy. Siońnia heta stračanyja zavody i rynki, zaŭtra — rost cenaŭ, mizernyja zarobki i adsutnaść luboj pierśpiektyvy», — padkreśliła Śviatłana Cichanoŭskaja.
Ciapier čytajuć
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy7
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
Kamientary