Na vulicy Vałhahradskaj u Minsku pačali znosić staryja karpusy zavoda «Ahat», jakija stajali tam z 1950-ch hadoŭ. Na ich miescy płanujuć uźvieści sučasny žyły kompleks, piša Onliner.
Na vulicy Vałhahradskaj u Minsku pačali znosić staryja karpusy zavoda «Ahat», što isnavali tut z 1950-ch hadoŭ. Hetaje pradpryjemstva — adzin z byłych fłahmanaŭ savieckaj elektronnaj pramysłovaści, elektramiechaničny zavod, jaki raniej uvachodziŭ u skład vajenna-pramysłovaha kompleksu. Ciapier jaho budynki chutka źnikajuć z karty horada — technika ŭžo łamaje ścieny, a na miescy vytvorčych cechaŭ — kučy budaŭničaha śmiećcia.
Na terytoryi płoščaj 11 hiektaraŭ źjaviacca dzieviać 10-paviarchovych damoŭ — usiaho 1180 kvater. Žyllo buduć budavać pa indyvidualnych prajektach, a nie pavodle masavych typavych sieryj.
U kompleksie taksama praduhledžany dziciačy sadok, hramadskija abjekty, šmatuzroŭnievyja parkinhi i dvary biez mašyn — dla zručnaści i abarony ad šumu i pyłu z mahistralaŭ.
Kvatery ŭ pieršuju čarhu buduć prapanavanyja tym, chto maje patrebu ŭ palapšeńni žyllovych umoŭ. Ale, uličvajučy prestyžnaje miescaznachodžańnie — kala mietro «Maskoŭskaja» i niedaloka ad praśpiekta Niezaležnaści, — častka žylla, vierahodna, trapić i ŭ volny prodaž.
Prajekt pačali raspracoŭvać jašče vosiem hadoŭ tamu, ale doŭhi čas nie znachodziŭsia inviestar, hatovy ŭkłaści miljony dołaraŭ u nabyćcio ziamli i znos starych budynkaŭ. Da idei viarnulisia tolki ŭ 2023 hodzie, užo z hatovym płanam zabudovy.
Chto mienavita budzie zajmacca budaŭnictvam, pakul nie paviedamlajecca — viadoma tolki, što heta dziaržaŭny zabudoŭščyk.
-
Pamior biznesmien z 90-ch Alaksandr Smancar. Heta jon u 2010 zvaniŭ Statkieviču na Płošču i zaklikaŭ «siadać u kresła Sidorskaha»
-
Kala 19 tysiač kamier płanujuć ustalavać kala minskich padjezdaŭ. Heta amal u 10 razoŭ bolš, čym ciapier
-
Niamiecki deputat, jaki maje pad Lidaj firmu pa pierapracoŭcy cybuli, vyklikaŭ palicyju na žurnalistaŭ i byłoha biełaruskaha viaźnia
Kala 19 tysiač kamier płanujuć ustalavać kala minskich padjezdaŭ. Heta amal u 10 razoŭ bolš, čym ciapier3
Kamientary