Pryčynaj śmierci viadomaha biełaruskaha aktyvista Źmitra Kaśpiaroviča staŭ pierałom asnovy čerapa. Pravaachoŭniki ličać, što adbyŭsia niaščasny vypadak, piša «Jeŭraradyjo».
Jak miarkujecca, Kaśpiarovič atrymaŭ traŭmu (imavierna, upaŭ ź leśvicy), ale zdoleŭ ustać, padniacca z cokalnaha na dva pavierchi i trapić u svaju kvateru. Tam jaho znajšli miortvym praz try dni paśla zdareńnia.
Źmitru Kaśpiaroviču było 43 hady. Jon byŭ u apazicyi ź junych hadoŭ, aktyŭna ŭdzielničaŭ u roznych ruchach, byŭ siabram Sojma Partyi BNF, a zarablaŭ jak pradprymalnik. Jon byŭ arhanizataram roznych kulturnych inicyjatyŭ i fanatam padarožžaŭ: sam abjechaŭ paŭśvietu, bolš za 70 krain.
Upieršyniu Źmitra Kaśpiaroviča sudzili ŭ 2006 hodzie. Za sarvany čyrvona-zialony ściah jamu pryznačyli piać miesiacaŭ aryštu.
U 2022-m hodzie Dźmitryj vyjechaŭ ź Biełarusi i pryznaŭsia, što supracoŭničaŭ ź biełaruskimi śpiecsłužbami. Ź jahonaha pryznańnia mnohaje zastavałasia niajasnym — było jasna tolki, što hetaja supraca mahła być daŭniaj.
Miortvym znojdzieny ŭ Varšavie Źmicier Kaśpiarovič — 43-hadovy były palitviazień, zavierbavany KDB
Kaśpiarovič pamior try dni tamu, ale cieła znajšli tolki ciapier
«Pabačyŭ šmat kryvi». Siabar 43-hadovaha Źmitra Kaśpiaroviča raskazaŭ, jak znajšoŭ jaho cieła
U Polščy zaviali spravu ab nienaŭmysnym zabojstvie paśla hibieli aktyvista Kaśpiaroviča
Ciapier čytajuć
Adstaŭny padpałkoŭnik milicyi adsudziŭ kvateru ŭ svajoj dački. Hučnaja siamiejnaja historyja z Bresta11
Kamientary