U kałonii №15 Mahilova źniali z pasady adyjoznaha načalnika, jaki ździekavaŭsia z palitviaźniaŭ
Alaksiej Łazarenka idzie na piensiju.
Svaju pasadu pakidaje načalnik mahiloŭskaj papraŭčaj kałonii №15 pałkoŭnik Alaksiej Łazarenka. 29 červienia 2025 hoda jamu spaŭniajecca 50 hadoŭ.
Novym načalnikam kałonii budzie pałkoŭnik Ivan Ihnacienka.
Łazarenka znachodzicca pad jeŭrapiejskimi sankcyjami. Dziasiatki palitviaźniaŭ śviedčyli pra jaho nieadekvatnyja pavodziny — psichałahičny cisk i navat prymianieńnie fizičnaha hvałtu.
Paśla zvalnieńnia načalnika navapołackaj kałonii Andreja Palčyka mienavita Łazarenka ličyŭsia samym adyjoznym siarod načalnikaŭ biełaruskich kałonij.
«Žurnalisty, advakaty — heta samyja drennyja ludzi ŭ śviecie», — kryčaŭ Łazarenka žurnalistu «Radyjo Svaboda» Alehu Hruździłoviču, kali toj trapiŭ u PK №15. Paśla hetaha Hruździłoviča adrazu adpravili ŭ ŠIZA.
U kastryčniku 2024 hoda ŭ mahiloŭskaj kałonii zahinuŭ 22-hadovy palitviazień Dźmitryj Šlethaŭer. Chutčej za ŭsio, jon skončyŭ žyćcio samahubstvam u ŠIZA, kudy trapiŭ adrazu paśla prybyćcia ŭ kałoniju.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary