Usiaho patrochu1010

Na Viciebščynie piensijanierki pastavili miemaryjał ułasnaj vioscy na mohiłkach — kancept acanili nie ŭsie

Piensijanierki Maryja i Śviatłana naradzilisia ŭ vioscy Žarnieŭka, što ŭ Dubrovienskim rajonie Viciebskaj vobłaści. Ciapier jana, jak i mnohija inšyja vioski, što kvitnieli ŭ minuŭščynie, trapiła ŭ lik pamirajučych. Žančyny vyrašyli ŭšanavać pamiać pra rodny kut, i ŭstalavali miemaryjalnuju došku ŭ jaho honar — na mohiłkach.

«U vioscy ŭžo nichto nie pražyvaje, i my zanieśli z Maryjaj Sidaraŭnaj usie damy i imiony-proźviščy žycharoŭ, chto tut pražyvaŭ. Pakazali darohu, dzie była pačatkovaja škoła. Darohu na Lachaŭku, Krasulina», — raskazvaje Śviatłana Muchina ŭ tyktoku.

@user9367766087383

Žarnievka-małaja rodina.

♬ orihinalnyj zvuk - Śvietłana Muchina

Taksama na miemaryjale adznačanyja miescy, dzie stajali kałodziežy, fierma, na mapie pakazany i šlach da mohiłak.

Ułasna na ich i pastavili miemaryjalnuju došku.

«Chacieła la studni zrabić u vioscy, ale dziaŭčaty skazali, lepiej my zrobim na mohiłkach: tam, moža, pieraaruć ziamlu. A tut ludzi, chto pryjazdžaje na mohiłki, zaŭsiody pabačać».

Pomnik zrabili pa-rusku.

Dadatkova žančyny płanujuć raźmiaścić pobač dźvie šyldy — adnu z historyjaj stvareńnia vioski, druhuju — z tymi, chto za jaje zmahaŭsia:

«Tak my šanujem pamiać prodkaŭ i svaju małuju radzimu».

Tak miemaryjał vyhladaje ciapier. Skrynšot: tyktok Śviatłany Muchinaj

Praŭda, daloka nie ŭsie acanili padobny sposab uviekaviečvańnia pamiaci:

«Žachliva, pomnik siału na mohiłkach»; «Biez mahilnaj plity hety pomnik vyhladaŭ by nie tak žudasna»; «Usich žycharoŭ pachavali», — krytykujuć kamientatary.

Mnohija pisali, što było b lepš pastavić pomnik la studni, a nie na mohiłkach.

«Pamianiecie tych, kaho zabrali ŭ HUŁAH i rasstralali NKVD?» — zadajecca pytańniem adzin z karystalnikaŭ. «U nas u vioscy nie było zdradnikaŭ i šaściorak, tamu HUŁAH i NKVD nie pra Žarnieŭku! A kolki siemjaŭ zabrali ŭ Hiermaniju — napišam na šyldzie», — adsiakaje aŭtarka prajekta.

Ludzi taksama zadajucca pytańniem, ci byŭ uzhodnieny prajekt z uładami: ci zakonna ŭstaloŭvać takija pomniki samavolna.

Ale vialikaja častka kamientataraŭ padtrymała patryjatyčny impet žančyn:

«Jakija małajcy! U majoj rodnaj vobłaści takija nieabyjakavyja žančyny — honar biare!»; «Nizki pakłon vam»; «Škada, što hetym zajmajucca nie tyja, chto musić zajmacca»; «Kłas, treba takoje ŭ kožnaj vioscy».

Kamientary10

  • Litvin
    05.06.2025
    Tyja,chto pamiataje svaich dziadoŭ,vartyja być ludźmi.
    Tyja, chto pamiataje svaich prodkaŭ,vartyja być narodam.
  • Litvin
    05.06.2025
    Tyja, chto pamiataje svaich dziadoŭ,vartyja być ludźmi.
    Tyja, chto pamiataje svaich prodkaŭ,vartyja być narodam.
  • Tak
    05.06.2025
    Pravilna zrabili, na jeožnych mohiłkach źnikłych viosak musiać być takija kamiani, jak napamin u jakuju epochu źnikli bolšaść viosak, …. Viosak ,što žyli doŭhija stahodzi, pakul nie nastaŭ hety “najščaśliviejšy pieryjad historyi”.

Ciapier čytajuć

Tramp uziaŭ dva tydni, kab vyznačycca adnosna Irana

Tramp uziaŭ dva tydni, kab vyznačycca adnosna Irana

Usie naviny →
Usie naviny

Duraŭ raskazaŭ, što dumaje pra Maska, Cukierbierha i Altmana2

Šmatdzietnuju maci, jakaja pracavała ŭ banku i viała błoh, pasadzili ŭ kałoniju i nazvali terarystkaj5

Pucin nazvaŭ rasijskuju ataku na dzieviacipaviarchovik u Kijevie, padčas jakoj zahinuli 23 čałavieki, udaram pa vajennym zavodzie1

U Arhiencinie vykryli raźviedhrupu z Rasii1

Kanapackaja pryznałasia, što heta jana arhanizavała vizit Kiełaha ŭ Biełaruś22

Biełarusy, jakija chočuć ukrainski pašpart, ale nie mohuć admovicca ad hramadzianstva Biełarusi aficyjna, zmohuć zrabić heta dekłaratyŭna2

Aleksijevič: Cichanoŭskaja simpatyčnaja, šmat zrabiła, Łatuška i Viačorka razumnyja. Ale niama adčuvańnia tryvałaści apazicyi36

Iran zapuściŭ novuju sieryju rakiet pa Izraili, adna ŭdaryła pa balnicy

Ministr aśviety Rasii pavinšavaŭ «Artek» z pamyłkaj5

bolš čytanych navin
bolš łajkanych navin

Tramp uziaŭ dva tydni, kab vyznačycca adnosna Irana

Tramp uziaŭ dva tydni, kab vyznačycca adnosna Irana

Hałoŭnaje
Usie naviny →

Zaŭvaha:

 

 

 

 

Zakryć Paviedamić