Zahadkavaja 8-mietrovaja mietaličnaja skulptura źjaviłasia ŭ Vałožynie
U centry Vałožyna Minskaj vobłaści ŭstanavili mietaličnuju skulpturu vyšynioj 8 mietraŭ, jakaja pakazvaje ci to rycara, ci to vołata. Dakładnaja nazva i pryśviačeńnie pomnika pakul zastajucca zahadkaj, što tolki padahreła cikavaść miascovych žycharoŭ i karystalnikaŭ internetu, piša Telegraf.news.
Videa pracesu ŭstanoŭki manumienta źjaviłasia ŭ TikTok vałožynskaj rajonnaj haziety «Pracoŭnaja słava» i ŭ Instagram, vyklikaŭšy chvalu samych roznych reakcyj — ad zachapleńnia da krytyki.
Karystalniki sacsietak padzialilisia na dva łahiery ŭ acency novaha art-abjekta. Adny pisali: «Siła i moc Vałožyna!»
Adnak niekatoryja karystalniki TikTok vykazali niezadavolenaść tym, što hrošy traciacca na art-abjekty, a nie na nadzionnyja haradskija prablemy.
«Kolki možna tracić dziaržaŭnyja hrošy tudy, kudy nie treba. Chapaje niedarobak, łaŭki abnavić ci pafarbavać, i śmietnic niama kala prypynkaŭ», — napisała adna z padpisčyc.
«Nasuprać dziciačy sadok. Buduć dziaciej pužać žaleznym monstram. Ujaŭlaju, kolki jon kaštuje», — vykazaŭ zdahadku inšy karystalnik.
Niekatoryja kamientatary praciahvali chvalić pazityŭnyja źmieny ŭ rajonnym centry: «Vielmi lublu naš horad!! Z kožnym hodam jon usio lepiej!»
Adzin z hledačoŭ, vidać, nie miascovy, namiaknuŭ, što ŭ horadzie, akramia skulptur, nie chapaje jašče šmat čaho.
«Pryjechali niejak u Vałožyn u kinateatr, u vas tam stajanki naohuł jość? A śmietnicy, byčok niama kudy vykinuć… Horad źmianiŭsia, ale ŭsio tak niepradumana…» — napisaŭ padpisčyk.
Darečy, pakul haradskija ŭłady nie raskryvajuć infarmacyi pra toje, kamu pryśviečana skulptura.
Karystalniki vykazali roznyja viersii.
«Chto heta? Kniaź Mindoŭh?» — spytaŭ adzin z hledačoŭ. Inšy vykazaŭ zdahadku, što heta «pomnik Hrehary Klihanu, achoŭniku Siersei Łanister».
Jašče adzin spytaŭ pra ŭmieńni skulptury, vidavočna namiakajučy na niešta: «A jon łazieram z vačej stralaje?»
«Pračytała ŭsie kamientary i, jak zaŭsiody, dva łahiery: voś nielha dahadzić. Pastavili — drenna, nie pastavili b — i łaŭki niama, i śmietnicy niama, i cišynia, i dabrabyt. Treba rabić vysnovy», — padsumavała abmierkavańnie adna z kamientatarak u TikTok.
Pakul zastajecca zahadkaj, ci stanie novy art-abjekt vizitnaj kartkaj Vałožyna abo pradmietam pastajannych sprečak.
-
Polskija pamiežniki abvierhli infarmacyju pra toje, što na KPP «Tarespal» nie prymajuć aŭtobusy ź Biełarusi
-
«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ
-
Vilnia: Biełaruskija pamiežniki mahli parušyć miažu, zajšoŭšy na terytoryju Litvy
Ciapier čytajuć
«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ1
Kamientary