U minskich kramach zaŭvažyli miasa ŭ pravakacyjnych upakoŭkach i biez markirovak. Adkul?
«Spačatku sasi, potym žuj», — napisana na adnoj z upakovak. Žurnalisty Onliner razabralisia ŭ pachodžańni zahadkavaha tavaru.
Takija tavary zaŭvažyli jak minimum u «Jeŭraopcie» na Mantažnikaŭ, TZC Palazzo i «Karonie-Zamak». Na inšaj upakoŭcy napisana «Sasižui ź miasa (sabakiena) čykiena». Pry hetym nidzie nie ŭkazanyja ni skład, ni štrych-kod, ni vytvorca praduktu.
U «Karonie» patłumačyli, što nie viedajuć, adkul heta miasa ŭziałosia na ich pryłaŭkach. I vykazali zdahadku, što jaho niechta padkinuŭ.
U sprobach znajści vytvorcu niezvyčajnaha praduktu žurnalisty Onliner pabačyli sajt, na jakim apublikavanyja padobnyja etykietki. I, čamuści, vyjava Iłana Maska.
Na adnoj sa staronak byŭ kantakt vytvorcy, jaki skazaŭ:
«[Pradukt] nie pradajem, pakul što tolki ekśpierymientujem. Dla paŭnavartasnaj vytvorčaści treba prajści niamała etapaŭ. Heta markietynhavaja kampanija, kab pahladzieć na reakcyju, — adkazali žurnalistam, udakładniŭšy, što recepty miasa jašče «syryja», tolki «dyzajn upakoŭki hatovy na 100%».
Tady Onliner zapytaŭ, ci nie baicca pradprymalnik štrafaŭ za toje, što prosta padkidvaje miasa ŭ kramy:
«Kali ščyra, mianie bolš za ŭsio pałochaje pamierci, tak ničoha i nie zrabiŭšy. A pierad tym, jak zaniacca takoj partyzanščynaj, ja ŭvažliva pieračytaŭ Kodeks ab administracyjnych pravaparušeńniach — i, ščyra kažučy, artykuły, prydatnaj pad «vykłaŭ nadzvyčajny pradukt u kramie biez dazvołu», nie znajšoŭ. Heta nie sproba abyści sistemu, a chutčej sproba pravieryć, jak narod adreahuje na ideju. Nikoha nie padmanvaju, nie pradaju, prosta kładu», — skazaŭ jon.
Jurystka Taćciana Revickaja prakamientavała žurnalistam situacyju. Pa jaje słovach, dziejańni takoha vytvorcy možna paličyć, zhodna z artykułam 19.1 KaAP, za drobnaje chulihanstva.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary