U Pinsku daždžom zatapiła rynak. Prablema isnuje daŭno, ale nie vyrašajecca
U Pinsku znoŭ zatapiła miascovy rynak «Soniečny». Heta nie pieršy raz — padobnaja situacyja ŭžo była šeść hadoŭ tamu, ale miascovyja ŭłady tak i nie zrabili patrebnych vysnoŭ, piša BG.Media.
U tyktoku źjavilisia videa, dzie vidać, jak paśla mocnaha daždžu terytoryju rynku zatapiła vadoj.
Karystalniki žartujuć, što Pinsk chutka moža stać padvodnym horadam, paraŭnoŭvajuć jaho ź Vieniecyjaj i ironizujuć pra toje, što hałoŭnaje — svoječasova płacić arendu.
Ale za žartami chavajucca razdražnieńnie i stomlenaść ludziej, jakija nie razumiejuć, čamu takija pavodki paŭtarajucca. Adnoj z karystalnic navat udałosia znajści videa z padobnaj pavodkaj u 2019 hodzie, kali jana pracavała na rynku.
Prajšło šeść hadoŭ, a prablema nie vyrašanaja — kanalizacyja nie spravlajecca ź vialikaj kolkaściu vady, na rynku vada pa kostačku. Śvidraviny dla advodu vady, pavodle śviedčańniaŭ, prosta nie pracujuć. Niekatoryja padazrajuć, što na sistemie advodu vady ekanomili.
Padobnyja prablemy z zatapleńniami adznačajucca i ŭ inšych haradach Brestčyny: Baranavičach, Ivacevičach, Lachavičach, Biarozie — jak tolki karotkačasovy doždž, to vada zastajecca na vulicach.
Takim čynam, prablema z drennaj sistemaj drenažu i kanalizacyi zastajecca aktualnaj i nie vyrašajecca ŭžo niekalki hadoŭ.
U Polščy aryštavali byłoha kiraŭnika biełaruskaha «Paspalitaha rušeńnia» — pahražaje 10 hod za narkotyki26
Kamientary