Zialenski: Rasija tak i nie pieradała svajho «miemarandumu» partnioram
Prezident Ukrainy Uładzimir Zialenski 29 maja zajaviŭ, što Rasija nie vykanała abiacańni pieradać svoj tak zvany «miemarandum» ni Ukrainie, ni ZŠA, ni navat Turcyi, choć raniej paabiacała heta zrabić, piša «Ukrainskaja praŭda».
«Słovy z Maskvoj nie pracujuć. Navat toj samy «miemarandum», jaki jany abiacali i nibyta bolš za tydzień rychtavali, nichto nie bačyŭ. Ukrainie nie pieradavali. Našym partnioram nie pieradavali. Navat Turcyi, jakaja prymała pieršuju sustreču, taksama nie pieradali novaha paradku dnia. Chacia abiacali całkam supraćlehłaje — pieradusim ZŠA, prezidentu Trampu. Heta čarhovy rasijski padman», — zajaviŭ Zialenski.
Jon taksama padkreśliŭ, što Rasija śviadoma imkniecca zrabić pieramovy «biazźmiastoŭnymi», i mienavita tamu nieabchodna ŭzmacniać na Maskvu sankcyjny cisk.
28 maja kiraŭnik MZS Rasii Siarhiej Łaŭroŭ prapanavaŭ pravieści druhi raŭnd pieramoŭ u Stambule 2 červienia. Napiaredadni ministr abarony Ukrainy Rustem Umieraŭ pieradaŭ Rasii dakumient, jaki adlustroŭvaje pazicyju Kijeva, i čakaŭ «miemarandum» u adkaz — jak vyražeńnie rasijskaj pazicyi. Ale adkazu tak i nie było.
Na novy raŭnd pieramoŭ z Ukrainaj Rasija pašle tuju ž delehacyju
Tramp: Na praciahu dvuch tydniaŭ stanie jasna, ci vodzić nas Pucin za nos
Cichanoŭskaja padtrymała pazicyju Zialenskaha ab niemahčymaści praviadzieńnia pieramoŭ u Minsku
Pucin vystaviŭ Zachadu piać patrabavańniaŭ dla padpisańnia mirnaj damovy. Voś jany
Zialenski: Rasija prapanoŭvała pravieści pieramovy ŭ Biełarusi
«Zabić jaho ci adrezać jamu jajcy ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie45
Kamientary