Ministr abarony Ukrainy pieradaŭ Rasii dakumient, jaki adlustroŭvaje pazicyju Kijeva pa zakančeńni vajny
Rustem Umieraŭ zajaviŭ, što pieradaŭ pamočniku Pucina Uładzimiru Miadzinskamu «dakumient, jaki adlustroŭvaje ŭkrainskuju pazicyju» pa zaviaršeńni vajny. Pra heta jon paviedamiŭ na svajoj staroncy ŭ Facebook.
Pavodle jaho słoŭ, Ukraina čakaje «miemarandum» ad rasijskaha boku:
«My paćviardžajem hatoŭnaść Ukrainy da poŭnaha i biezumoŭnaha spynieńnia ahniu i praciahnieńnia dypłamatyčnaha ŭzajemadziejańnia. My nie suprać dalejšych sustreč z rasijanami i čakajem ich «miemaranduma», kab sustreča nie była pustoj i sapraŭdy nabliziła nas da spynieńnia vajny. U rasijskaha boku jość jašče jak minimum čatyry dni da adjezdu, kab pradstavić nam svoj dakumient dla aznajamleńnia».
Umieraŭ padkreśliŭ, što rasijski bok abiacaŭ pieradać «miemarandum» adrazu paśla abmienu pałonnymi: «My zaklikajem ich vykanać heta abiacańnie biez pramarudžvańnia i spynić sproby pieratvaryć sustreču ŭ destruktyŭnuju».
Nastupny raŭnd pieramovaŭ moža prajści 2 červienia. Papiaredni prajšoŭ u Stambule 16 maja. Umieraŭ i Miadzinski ŭznačalvali ŭkrainskuju i rasijskuju delehacyi.
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram11
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary