Міністр абароны Украіны перадаў Расіі дакумент, які адлюстроўвае пазіцыю Кіева па заканчэнні вайны
Рустэм Умераў заявіў, што перадаў памочніку Пуціна Уладзіміру Мядзінскаму «дакумент, які адлюстроўвае ўкраінскую пазіцыю» па завяршэнні вайны. Пра гэта ён паведаміў на сваёй старонцы ў Facebook.
Паводле яго слоў, Украіна чакае «мемарандум» ад расійскага боку:
«Мы пацвярджаем гатоўнасць Украіны да поўнага і безумоўнага спынення агню і працягнення дыпламатычнага ўзаемадзеяння. Мы не супраць далейшых сустрэч з расіянамі і чакаем іх «мемарандума», каб сустрэча не была пустой і сапраўды наблізіла нас да спынення вайны. У расійскага боку ёсць яшчэ як мінімум чатыры дні да ад’езду, каб прадставіць нам свой дакумент для азнаямлення».
Умераў падкрэсліў, што расійскі бок абяцаў перадаць «мемарандум» адразу пасля абмену палоннымі: «Мы заклікаем іх выканаць гэта абяцанне без прамаруджвання і спыніць спробы ператварыць сустрэчу ў дэструктыўную».
Наступны раўнд перамоваў можа прайсці 2 чэрвеня. Папярэдні прайшоў у Стамбуле 16 мая. Умераў і Мядзінскі ўзначальвалі ўкраінскую і расійскую дэлегацыі.
Цяпер чытаюць
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне5858
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне58
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары