U dvary źjavicca basiejn. Jakija navinki čakajuć hramadskija łaźni Minska
Padrabiaznaści Minsk-navinam paviedamiŭ dyrektar pradpryjemstva «Haradskija łaźni» Anatol Marčanka.
U mužčynskim adździaleńni łaźni № 9 na vuł. Ukrainskaj idzie rekanstrukcyja paryłki z pavieličeńniem jaje vyšyni i płoščy — jana stanie samaj vialikaj siarod usich łaźnievych padraździaleńniaŭ pradpryjemstva. Taksama abnaŭlajuć azdableńnie, kanstruktyŭnyja elemienty, robiać padłohi z padahrevam, abstaloŭvajuć pakoj adpačynku. Ramont płanujuć zaviaršyć da vieraśnia, paśla čaho pačnuć madernizacyju žanočaha adździaleńnia.
U łaźni № 8 na vuł. V. Charužaj viaducca ramontnyja raboty ŭ žanočym adździaleńni. Ale hałoŭnaja navinka — u dvary źjavicca basiejn.
— Jaho pamiery — 15 na 5 mietraŭ, hłybinia — 1,5 mietra. Nad basiejnam zrobiać rassoŭny kupał z polikarbanatu. U ciopłaje nadvorje novy vodny abjekt budzie prymać naviedvalnikaŭ pad adkrytym niebam.
Z mužčynskaha i žanočaha adździaleńniaŭ da basiejna praduhledžany prachod praz zašklonuju halereju, dzie, darečy, taksama budzie padahreŭ padłohi. Tempieratura vady składzie 30—31 hradus, što kamfortna navat u maroz. Adkryćcio basiejna płanujecca na pačatak vosieni, — padzialiŭsia płanami kiraŭnik «Haradskich łaźniaŭ».
U łaźnieva-azdaraŭlenčym kompleksie «Łaźnia № 1» na vuł. B. Chmialnickaha ŭ mužčynskim adździaleńni da pačatku červienia dadatkova abstalujuć finskuju paryłku, a isnujučuju pieraabstalujuć u ruskuju — takim čynam ich budzie dźvie. Pierapłaniroŭku vykonvajuć pa prośbach naviedvalnikaŭ, jakija addajuć pieravahu ruskamu paru, adznačyŭ A. Marčanka.
U łaźni № 13 na vuł. Bahracijona abstalujuć pamiaškańnie chamama. U apošnija hady tureckija łaźni karystajucca popytam, kanstatavaŭ surazmoŭca. Jany ŭžo pracujuć u kompleksach «Łaźnia» na vuł. Marjeŭskaj, «Sucharava» na vuł. Sucharaŭskaj, «Łaźnia № 1», «Sokał» na vuł. Biarezahorskaj i ŭ łaźni № 8 na vuł. V. Charužaj.
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary