Dzieviacihadovaja dačka Domračavaj i Bjorndalena zaniała treciaje miesca na minskich spabornictvach «Śniežnaha snajpiera»
Dačka Darji Domračavaj i Ule-Ejnara Bjorndalena Ksienija Bjorndalen stała pryzioram haradskoha etapu respublikanskich spabornictvaŭ pa bijatłonie «Śniežny snajpier» na pryzy Prezidenckaha spartyŭnaha kłuba, piša BiełTA.
Minski haradski etap respublikanskaha turniru prachodzić na łyžnaj trasie ŭ Viaśniancy, dzie ŭdzielniki spaborničajuć u troch uzrostavych katehoryjach.
U spryntarskaj honcy siarod dziaŭčatak małodšaj hrupy (2015—2016 h. n.) pradstaŭnica Centralnaha rajona stalicy Ksienija Bjorndalen adstralałasia biez promachaŭ i zaniała treciaje miesca, sastupiŭšy tolki Volzie Łastoŭskaj (Pieršamajski rajon) i Viktoryi Šarupič (Zavadski rajon).
Ksienija vystupić u finalnym etapie «Śniežnaha snajpiera», jaki z 13 da 15 lutaha prymuć «Raŭbičy».
Dzieviacihadovaja spartsmienka — dačka lehiend suśvietnaha bijatłonu Darji Domračavaj i Ule-Ejnara Bjorndalena.
Darja źjaŭlajecca čatyrochrazovaj alimpijskaj čempijonkaj, dvuchrazovaj čempijonkaj śvietu i ŭładalnicaj Vialikaha chrustalnaha hłobusa pa vynikach siezona 2014/15. Ule-Ejnar zavajavaŭ vosiem załatych miedaloŭ na Alimpijskich hulniach i 20 uznaharod najvyšejšaj proby na čempijanatach śvietu, a taksama šeść razoŭ stanaviŭsia pieramožcam ahulnaha zaliku Kubka śvietu.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary