Prezident ZŠA Donald Tramp i prezident Rasii Uładzimir Pucin dali zrazumieć, što nie voźmuć udziełu ŭ tym, što moža stać pieršymi pramymi mirnymi pieramovami pamiž Maskvoj i Kijevam za apošnija try hady, što pavinny adbycca ŭ čaćvier. Zamiest hetaha Kreml nakiravaŭ hrupu technakrataŭ, piša Reuters.com.
Pucin u niadzielu prapanavaŭ pramyja pieramovy z Ukrainaj u Stambule ŭ čaćvier «biez usialakich pieradumoŭ». Pozna ŭviečary ŭ sieradu Kreml paviedamiŭ, što ŭ delehacyju ŭvojduć prezidencki daradca Uładzimir Miadzinski i namieśnik ministra abarony Alaksandr Famin — ale imia Pucina ŭ śpisie adsutničaje.
Paśla abviaščeńnia składu rasijskaj delehacyi adzin z pradstaŭnikoŭ ZŠA zajaviŭ, što Tramp, jaki ciapier znachodzicca ź vizitam u troch krainach Blizkaha Uschodu, nie voźmie ŭdziełu. Raniej amierykanski lidar zajaŭlaŭ, što razhladaje mahčymaść udziełu.
Chacia Pucin nikoli nie paćviardžaŭ, što voźmie ŭdzieł asabista, adsutnaść prezidentaŭ Rasii i ZŠA źnižaje čakańni adnosna značnaha prahresu ŭ vajnie.
Prezident Ukrainy Uładzimir Zialenski zaklikaŭ Pucina pryniać udzieł u pieramovach «kali jon nie baicca», što vyhladaje jak sproba pakazać Trampu, chto na samaj spravie bolš choča miru — Ukraina ci Rasija.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia3
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary