ŠI-startap Perplexity, jaki zasnavaŭ biełarus Dzianis Jarac, abviaściŭ pra partniorstva z PayPal. Ciapier apłačvać pakupki možna budzie prosta z čata ŠI-pošukavika, paviedamiła pres-słužba płaciežnaha servisu.
Z dapamohaj Perplexity karystalniki zmohuć znachodzić tavary, kvitki i hateli, a ŠI-ahient samastojna apłacić ich z pryviazanaha kašalka PayPal. Pakul funkcyja budzie dastupnaja tolki ŭ ZŠA.
Dzianis Jarac zasnavaŭ Perplexity z dvuma partniorami ŭ ZŠA, dzie žyvie ŭžo bolš za 10 hadoŭ. U kancy 2024 hoda prajekt pryznali adnym z samych darahich maładych startapaŭ.
Raniej kampanija Perplexity prapanavała TikTok abjadnacca ŭ ZŠA, kab paźbiehnuć zabarony apošniamu na dziejnaść. Spačatku prapanoŭvałasia stvaryć adzinuju kampaniju, u jakuju ŭvajšli b Perplexity, TikTok US i novyja inviestary. Paźniej źjavilisia novyja ŭmovy: paśla vychadu kampanii na biržu z kapitalizacyjaj nie mienš jak $300 miljardaŭ, Vašynhton moh by atrymać da pałovy jaje akcyj.
Taksama Perplexity, jakaja źjaŭlajecca startapam u halinie štučnaha intelektu, pracuje nad ułasnym smartfonam i źbirajecca zapuścić ułasny braŭzier pad nazvaj Comet.
Zasnavany biełarusam startap sumiesna ź niamieckaj kampanijaj raspracoŭvaje ŠI-smartfon
Zasnavany biełarusam samy darahi małady startap u śviecie prapanuje źlicca z TikTok
Samym darahim maładym startapam u śviecie pryznali kampaniju, jakuju zasnavaŭ biełarus
Apublikavany novy top-100 samych paśpiachovych biznesmienaŭ Biełarusi
Kamientary