Zasnavany biełarusam samy darahi małady startap u śviecie prapanuje źlicca z TikTok
Hetaja ździełka moža spadabacca administracyi Donalda Trampa i vyratavać papularnuju kitajskuju sacsietku, paviedamlaje ahienctva Reuters sa spasyłkaj na krynicy.
Kampanija Perplexity AI, jakaja zajmajecca raspracoŭkaj štučnaha intelektu, prapanavała papularnaj kitajskaj płatformie karotkich videa TikTok źlićcio, kab dazvolić joj lehalna pracavać u ZŠA i nie bajacca błakiroŭki, daviedałasia ahienctva Reuters i inšyja amierykanskija miedyja.
Zhodna z danymi krynic, Perplexity AI nakiravała takuju prapanovu jak kitajskaj karparacyi ByteDance, jakaja vałodaje TikTok, tak i patencyjnym inviestaram. Siarod klučavych punktaŭ novaj prapanovy — stvareńnie chołdynhavaj kampanii NewCo, pałova akcyj jakoj budzie pieradadzienaja ŭradu ZŠA.
Sam chołdynh NewCo, pavodle dakumientaŭ, budzie ŭjaŭlać saboj abjadnańnie Perplexity AI i TikTok U.S., kampanii, jakaja kantraluje amierykanski siehmient sacsietki TikTok, i kaštavać minimum $300 młrd, piša Reuters.
Perplexity AI upieršyniu vykazała cikavaść da kupli TikTok jašče 19 studzienia. Pieršapačatkovaja prapanova mieła na ŭvazie, što akcyjaniery TikTok zachavajuć svaje doli, a Perplexity AI, jakaja bazujecca ŭ Kalifornii, atrymaje dostup da videakantentu płatformy. Ciapier va ŭmovach ździełki ŭdakładniajecca, što akcyjaniery TikTok buduć udzielničać i ŭ kapitale novaha chołdynhu, a sama ździełka budzie ŭjaŭlać abjadnańnie, a nie prodaž amierykanskaha siehmientu TikTok kampanijam z ZŠA, što pavinna zadavolić kitajski bok.
U krasaviku 2024 hoda Kanhres ZŠA pryniaŭ zakon, jaki abaviazvaŭ kitajskuju kampaniju ByteDance pradać płatformu amierykanskaj kampanii da 19 studzienia 2025 hoda, inakš jaje zabłakujuć. ByteDance nie vykanała ŭmovy i ŭ vyniku TikTok byŭ zabłakavany na ŭsioj terytoryi ZŠA, ale tolki na adzin niapoŭny dzień, bo da ŭłady pryjšoŭ Donald Tramp, jaki adrazu ž skasavaŭ błakiroŭku płatformy.
Paźniej Donald Tramp zajaviŭ u svajoj sacsietcy Truth Social, što daść maciarynskaj kampanii TikTok bolš času dla pošuku ŭchvalenaha amierykanskaha pakupnika, pierš čym znoŭ zabaranić TikTok u ZŠA. Jon napisaŭ taksama, što chacieŭ by, kab Złučanyja Štaty vałodali 50% akcyj sumiesnaj kampanii.
Nahadajem, što amierykanski startap Perplexity koštam kala $9 młrd, jaki raspracoŭvaje alternatyvu pošukavaj sistemie Google na bazie štučnaha intelektu, niadaŭna zaviaršyŭ novy raŭnd inviestycyj abjomam $500 młn, u vyniku čaho jon staŭ samym darahim maładym startapam u śviecie. U jaho ŭkłalisia ŭ tym liku zasnavalnik Amazon Džef Biezas, hiendyrektar Y Combinator Hary Tan i raspracoŭščyk hrafičnych pracesaraŭ Nvidia.
Ciapier Perplexity atrymlivaje kala 15 młn pošukavych zapytaŭ u dzień, a vyručka za 2024 hod skłała $50 młn.
Biełarus Dzianis Jarac zasnavaŭ Perplexity z dvuma partniorami ŭ ZŠA, dzie žyvie bolš za 10 hadoŭ. Naradziŭsia jon u Homieli, adukacyju atrymaŭ u Minsku ŭ BDU, dzie vyvučaŭ matematyku i kampjutarnyja navuki, a paśla paśpieŭ papracavać u Maskvie. Siamja Jaraca nie źviazanaja ni ź biznesam, ni z IT: baćka da vychadu na piensiju pracavaŭ na traktarnym zavodzie, a maci była chatniaj haspadyniaj.
Vialikaja hutarka z Franakam Viačorkam — pra kruhły stoł z Łukašenkam, pamyłki, chejtaraŭ i hałoŭnaje dasiahnieńnie26
Kamientary