Kaleśnikava raskazała, što było, kali jana parvała pašpart na miažy
«Ja nie bačyła vyrazy tvaraŭ, jany byli ŭ maskach. Ale jany nie adrazu zrazumieli, čamu, napeŭna, heta nie pracuje».
Maryja Kaleśnikava ŭ intervju DW Biełaruś zhadała, jak u vieraśni 2020 hoda, kali jaje sprabavali siłkom vyvieźci ź Biełarusi va Ukrainu, parvała pašpart.
Jana raskazała, jak pakazvała siłavikam parvany pašpart.
«Ja im kazała, što vy ž bačycie, pašpart parvany, ja zaraz nie mahu pakinuć terytoryju Biełarusi. Tamu što z parvanym pašpartam mianie nidzie nie mohuć pryniać.
Ja nie bačyła ich vyrazaŭ tvaraŭ, jany byli ŭ maskach. Ale jany nie adrazu zrazumieli, čamu, napeŭna, heta nie pracuje. Ja jašče vyskokvała z mašyny…
U niejki momant jany zrazumieli, što ja sapraŭdy ŭsio ž taki nie prosta namahaju na tym, što ja chaču zastacca ŭ svajoj krainie».
Kaleśnikava kaža, što na praciahu cełaha dnia pierakonvała siłavikoŭ, što nie choča źjazdžać.
«I ŭ toj momant, kali heta nie atrymałasia, daviałosia parvać pašpart. I jany taksama nie adrazu zrazumieli, što heta jašče nie kaniec. U vyniku ja znoŭ apynułasia ŭ mikraaŭtobusie, nu i dalej vy ŭžo viedajecie».
Svaje emocyi ŭ toj dzień jana apisvaje jak «vielmi dziŭnyja».
«Nie kožny dzień rvieš pašpart i vyskokvaješ z mašyny, ja vam chaču skazać. Pryčym niekalki razoŭ. Emocyi… Nu heta jak usio jak u filmie było. Ja dahetul navat nie vieru, napeŭna, što moža być ja sama heta zrabiła, ale ja heta zrabiła», — raskazała Kaleśnikava.
Nahadajem, Kaleśnikavu zatrymali 7 vieraśnia 2020 hoda. U hety ž dzień zatrymali Ivana Kraŭcova i Antona Radniankova. Apošnich na mikraaŭtobusach pavieźli na miažu Biełarusi i Ukrainy, a na niejtralnaj terytoryi pierasadzili ŭ mašynu Kraŭcova. Tudy ž paśla pasadzili siłkom Kaleśnikavu. Kali jana pabačyła svoj pašpart, to parvała jaho na drobnyja kavałački i vykinuła ŭ akno. Paśla hetaha Kaleśnikava vylezła z aŭto praz akno.
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary