U Polščy zatrymany viadomy rasijski navukoviec z Ermitaža pa zapycie Ukrainy
Rasijskaha navukoŭca va Ukrainie vinavaciać u niezakonnych archieałahičnych raskopkach u Krymie, što pryviało da źniščeńnia kulturnaj spadčyny.
U Polščy zatrymany viadomy rasijski navukoviec, supracoŭnik Dziaržaŭnaha Ermitaža Alaksandr Buciahin, jaki zajmaje pasadu kiraŭnika adździeła antyčnaj archieałohii.
Zatrymańnie praviedziena Ahienctvam unutranaj biaśpieki (ABW) na zapyt ukrainskich uładaŭ.
Navukoviec abvinavačvajecca ŭ niezakonnych archieałahičnych raskopkach u Krymie, što pryviało da źniščeńnia kulturnaj spadčyny. Sa źviestak ukrainskaha śledstva, Buciahin z 2014 hoda, jak kiraŭnik adździeła staražytnaj archieałohii Ermitaža, kiravaŭ pošukavymi hrupami ŭ akupavanym Rasijaj Krymie. Jon i jaho kamanda pravodzili raskopki ŭ staražytnym haradziščy Mirmiekij u Kierčy.
Rasijanin znachodziŭsia ŭ Polščy prajezdam, dzie i byŭ aryštavany na minułym tydni.
Akruhovaja prakuratura Varšavy paśla dopytu pryniała pastanovu chadajničać pierad sudom ab časovym aryšcie na 40 dzion.
Aryšt patrebny dla realizacyi farmalnaściej, źviazanych z patencyjnaj ekstradycyjaj navukoŭca va Ukrainu.
Złačynstva, u jakim abvinavačvajecca navukoviec, praduhledžvaje pakarańnie ad hoda da 10 hadoŭ turmy.
Ukrainskija ŭłady padkreślivajuć, što dziejańni rasijan na raskopkach źjaŭlajucca častkaj sistemnaha rabavańnia kulturnaj spadčyny Krymskaha paŭvostrava.
-
Polski sud adobryŭ ekstradycyju viadomaha rasijskaha archieołaha va Ukrainu. Jaho vinavaciać u niezakonnych raskopkach u Krymie
-
Kiraŭnik «Alternatyvy dla Hiermanii» Alisa Vajdel zaklikała da pastavak nafty z Rasii
-
Japoniec 26 hadoŭ arandavaŭ kvateru, dzie zabili jaho žonku, kab zachavać dokazy ŭ spadziavańni na novyja technałohii. I ŭrešcie zabojcu znajšli
Kamientary
Tamu rasijski kiraŭnik rabavańniem kulturnaj spadčyny ŭ Krymie musić być pakarany.