Samym darahim maładym startapam u śviecie pryznali kampaniju, jakuju zasnavaŭ biełarus
U listapadzie stała viadoma, što startap Perplexity zaviaršaje novy raŭnd inviestycyj abjomam $500 młn pa acency $9 młrd. U vyniku jon robicca adnym z samych darahich maładych startapaŭ. Charakterna, što siarod zasnavalnikaŭ kampanii — biełarus Dzianis Jarac, paviedamlaje Office Life.
Raniej usiaho za dva hady amierykanski startap Perplexity, jaki raspracoŭvaje alternatyvu Google na bazie štučnaha intelektu, pryciahnuŭ $400 młn. U jaho ŭkłalisia ŭ tym liku zasnavalnik Amazon Džef Biezas, hiendyrektar Y Combinator Hary Tan i raspracoŭščyk hrafičnych pracesaraŭ Nvidia. Ciapier Perplexity atrymlivaje kala 15 młn pošukavych zapytaŭ u dzień.
Dzianis Jarac zasnavaŭ Perplexity z dvuma partniorami ŭ ZŠA, dzie žyvie bolš za 10 hadoŭ. Naradziŭsia jon u Homieli, adukacyju atrymaŭ u Minsku ŭ BDU, dzie vyvučaŭ matematyku i kampjutarnyja navuki, a paśla paśpieŭ papracavać u Maskvie.
Jak paviedamlaje Forbes, siamja Jaraca nie źviazanaja ni ź biznesam, ni z IT: baćka da vychadu na piensiju pracavaŭ na traktarnym zavodzie, a maci była chatniaj haspadyniaj.
U 2008 hodzie ajcišnik prajšoŭ u jeŭrapiejski finał spabornictvaŭ Google Code Jam, jaki prachodziŭ u ofisie Google u Ciurychu, a zatym trapiŭ u hetuju kampaniju na sumoŭje, ale pracu nie atrymaŭ. U 2011 hodzie Dzianis staŭ inžynieram u Bing-pošukaviku ad Microsoft, paźniej pracavaŭ u servisie abmienu viedami Quora. U 2022 hodzie razam z partniorami jon vyrašyŭ zapuścić ułasny pradukt.
Perplexity pryciahnuła pieršyja ŭkładańni ŭ vieraśni 2022-ha, heta byli $3,1 młn ad byłoha vice-prezidenta Twitter (ciapier X) Ełada Hiła i inšych inviestaraŭ. Ciapier startap manietyzuje svoj pradukt u asnoŭnym za košt padpiski, jakuju ŭviali letam 2023-ha. Za $20 u miesiac karystalnik siarod inšaha atrymlivaje bolš za 300 pašyranych adkazaŭ u dzień, a ŭ biaspłatnaj viersii ich usiaho try.
Pa słovach Dzianisa, pa vynikach minułaha hoda vyručka biznesu skłała kala $2 młn, a ŭ hetym vyrasła da $50 młn. Amal usiu sumu pryniesła padpiska dla pryvatnych asob.
U intervju Forbes Jarac padzialiŭsia prahnozam, što Perplexity zojmie miesca «dzieści pasiaredzinie» pamiž dvuma IT-hihantami Google i OpenAI. Pieršy praciahnie adkazvać na prostyja pytańni, a druhi — raźvivać čat-bot, dzie pošuk — tolki adna z funkcyj.
«Treba kuplać łatarejny bilet». Stvaralnik kampanii Flo padzialiŭsia sakretam pośpiechu
Da kałonii i bujnych štrafaŭ asudzili pradstaŭnikoŭ minskaha startap-chaba «Imahuru»
Kali ŭ Zachodniaj Jeŭropie nie kryzis, to što takoje kryzis?
Pracuje nie dla hrošaj, vizijanier i lotaje ŭ ekanom-kłasie, choć moža dazvolić sabie pryvatny samalot. IT-biznesmien raskazaŭ pra Dobkina
Stvaryli pieršaje biełaruskamoŭnaje radyjo, dzie zamiest viadučych — štučny intelekt
Google stvaraje «Džarvisa» — paŭnavartasnaha ŠI-sakratara
Kamientary