Da kałonii i bujnych štrafaŭ asudzili pradstaŭnikoŭ minskaha startap-chaba «Imahuru»

Taćcianu Marynič zavočna asudzili da 12 hadoŭ pazbaŭleńnia voli ŭ kałonii va ŭmovach ahulnaha režymu, a taksama štrafu ŭ pamiery siami tysiač bazavych vieličyń — 280 tysiač rubloŭ.

Anastasiju Chamiankovu zavočna asudzili da 11 hadoŭ pazbaŭleńnia voli ŭ kałonii va ŭmovach ahulnaha režymu, a taksama štrafu ŭ pamiery siami tysiač bazavych vieličyń — 280 tysiač rubloŭ. Abiedźviuch žančyn pazbavili prava piać hadoŭ zajmać pasady, jakija źviazanyja z vykanańniem arhanizacyjna-rasparadčych i administratyŭna-haspadarčych prac. 

Jaŭhien Puhač asudžany da 4,5 hoda pazbaŭleńnia voli ŭ kałonii va ŭmovach ahulnaha režymu, a taksama štrafu ŭ pamiery 500 bazavych vieličyń (20 tysiač rubloŭ). Jaho taksama pazbavili prava piać hadoŭ zajmać pasady, jakija źviazanyja z vykanańniem arhanizacyjna-rasparadčych i administratyŭna-haspadarčych prac. 

Jaho pryznali vinavatym pavodle art. 361 (zakliki da mier abmiežavalnaha charaktaru (sankcyj), inšych dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś) i art. 243 (uchileńnie ad vypłaty padatkaŭ, zboraŭ) Kryminalnaha kodeksa. 

Za što sudzili «Imahuru»?

Pavodle śledstva, akramia inšaha, Marynič i Chamiankova majuć dačynieńnie da «ŭčynieńnia šerahu złačynstvaŭ ekstremisckaj nakiravanaści». Jany nibyta «stvaryli i kiravali ekstremisckim farmiravańniem, na internet-resursach jakoha raźmiaščali ekstremisckija materyjały nakiravanyja na padtrymku masavych biesparadkaŭ, jakija prachodzili ŭ 2020-ym hodzie».

«Ich asnoŭnaja meta — dyskredytacyja kanstytucyjnych asnoŭ Respubliki Biełaruś, padtrymańnie radykalnaha i pratesnaha patencyjału, a taksama zachop ułady niekanstytucyjnym šlacham», — havaryłasia ŭ praŭładnych krynicach.

Pavodle jakich artykułaŭ razhladali spravu?

Kryminalnuju spravu suprać Taćciany Marynič, Anastasii Chamiankovaj, a taksama Jaŭhiena Puhača razhladali pavodle dziesiaci artykułaŭ Kryminalnaha kodeksu. U tym liku — pavodle č. 1 art. 357 (zmova ci inšyja dziejańni, učynienyja z metaj zachopu dziaržaŭnaj ułady) Kryminalnaha kodeksu. Spravu razhladała sudździa Luboŭ Simachina.

Marynič i Chamiankovaj staviłasia ŭ vinu 10 artykułaŭ Kryminalnaha kodeksa:

• «zmova ci inšyja dziejańni, učynienyja z metaj zachopu dziaržaŭnaj ułady» (č. 1 art. 357 KK);
• «zakliki da mier abmiežavalnaha charaktaru (sankcyj), inšych dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś» (č. 3 art. 361 KK);
• «uchileńnie ad vypłaty padatkaŭ, zboraŭ» (č. 2 art. 243 KK);
• «złoŭžyvańnie ŭładaj abo słužbovymi paŭnamoctvami» (č. 2 art. 424 KK);
• «dyskredytacyja Respubliki Biełaruś» (art. 369-1 KK)
• «sadziejničańnie ekstremisckaj dziejnaści» (č. 2 art. 361-4 KK);
• «raspalvańnie rasavaj, nacyjanalnaj, relihijnaj albo inšaj sacyjalnaj varožaści abo varožaści» (č. 3 art. 130 KK);
• «udzieł na terytoryi zamiežnaj dziaržavy va ŭzbrojenym farmiravańni abo ŭzbrojenym kanflikcie, vajennych dziejańniach, viarboŭka albo padrychtoŭka asob da takoha ŭdziełu» (č. 2 art. 361-3 KK);
• «finansavańnie ekstremisckaj dziejnaści» (č. 2 art. 361-2 KK);
• «stvareńnie ekstremisckaha farmiravańnia albo ŭdzieł u im» (č. 2 i 3 art. 361-1 KK).

Kančatkovaje pakarańnie składzienaje šlacham častkovaha składańnia pryznačanych pakarańniaŭ i dałučeńnia dadatkovych pakarańniaŭ. Tak, pavodle č. 2 art. 243 žančyn asudzili da piaci hadoŭ pazbaŭleńnia voli i štrafu ŭ pamiery 3000 bazavych vieličyń (120 tysiač rubloŭ), a taksama pazbaŭleńnia prava zajmać peŭnyja pasady ciaham piaci hadoŭ. Pavodle č. 1 art. 357 Marynič asudzili da dzieviaci hadoŭ kałonii, Chamiankovu — da vaśmi hadoŭ kałonii sa štrafam u pamiery 5000 bazavych vieličyń (200 tysiač rubloŭ) kožnaj. Pavodle č. 3 art. 361-1 Marynič pryznačanaje pakarańnie ŭ vyhladzie piaci hadoŭ pazbaŭleńnia voli, Chamiankovaj — čatyroch hadoŭ kałonii, taksama kožnaj ź ich pryznačany štraf u pamiery 2000 bazavych vieličyń (80 tysiač rubloŭ) kožnaj.

• Pavodle č. 2 art. 361-1 abiedźvium žančynam pryznačyli pa siem hadoŭ kałonii i štraf u pamiery 3000 bazavych vieličyń (120 tysiač rubloŭ).
• Pavodle č. 2 art. 424 ich asudzili da troch hadoŭ pazbaŭleńnia voli biez štrafu, a taksama pazbavili prava zajmać peŭnyja pasady ciaham piaci hadoŭ.
• Pavodle č. 3 art. 130 žančyn asudzili da šaści hadoŭ kałonii kožnuju, pavodle č. 3 art. 361 — da siami hadoŭ kałonii, pavodle art. 369-1 — da čatyroch hadoŭ kałonii i štrafu ŭ pamiery 1000 bazavych vieličyń (40 tysiač rubloŭ).
• Pavodle č. 2 art. 361-2 žančyn pazbavili voli na piać hadoŭ kožnuju.
• Pavodle č. 2 art. 361-4 Taćcianu Marynič asudzili da čatyroch hadoŭ kałonii, a Anastasiju Chamiankovu — da troch hadoŭ pazbaŭleńnia voli.

• 0
• 0
• 1
• 2
• 0
• 0
• 10
• 0