«Ja rasparadžusia spynić sankcyi suprać Siryi, kab dać im šaniec na vielič», — zajaviŭ prezident ZŠA na inviestycyjnym forumie ŭ saudaŭskim Er-Ryjadzie.
«Udačy, Siryja, pakažy nam niešta vielmi asablivaje», — dadaŭ Donald Tramp.
Pa słovach Trampa, sankcyi, uviedzienyja suprać Siryi padčas kiravańnia Bašara Asada, vykanali važnuju funkcyju, ale ciapier dla Siryi nastaŭ čas ruchacca napierad.
Prezident ZŠA zajaviŭ, što pryjšoŭ da takoha rašeńnia paśla abmierkavańnia situacyi ŭ Siryi z naślednym pryncam Saudaŭskaj Aravii Muchamiedam bin Sałmanam i prezidentam Turcyi Redžepam Erdahanam.
Amierykanski i siryjski baki taksama abmiarkoŭvajuć mahčymuju sustreču pamiž Trampam i siryjskim prezidentam Achmiedam aš-Šaraa. Raniej Tramp kazaŭ, što ZŠA mohuć zaklučyć ź Siryi ździełku pa minierałach, padobnuju da toj, jakuju niadaŭna zaklučyli z Ukrainaj, piša The Times. Taksama ŭ ramkach hetaj ździełki ŭ Damasku mohuć pabudavać Trump Tower.
Raniej ZŠA skasavali ŭznaharodu na sumu 10 miljonaŭ dalaraŭ za hałavu Achmieda al-Šaraa, lidara ruchu «Chajat Tachryr aš-Šam» (CHTŠ), jaki pryjšoŭ da ŭłady paśla padzieńnia režymu Bašara Asada.
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»7
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary