Danija abviaściła «karaleŭski zahad ab vykarystańni vojskaŭ» u Hrenłandyi dziejnym
Niahledziačy na adkrytyja pahrozy prezidenta ZŠA Donalda Trampa zachapić Hrenłandyju vajennym šlacham, Danija demanstruje svaju bajavuju hatoŭnaść.
Na hetym tydni Danija zaprasiła partnioraŭ pa NATA na sumiesnyja vučeńni ŭ Hrenłandyi — heta stała terminovaj reakcyjaj na pravał pieramoŭ u Vašynhtonie. Hiermanija, Francyja, Niderłandy, Šviecyja i inšyja krainy adhuknulisia na zaprašeńnie i nakiravali na vostraŭ pieršyja raźviedvalnyja padraździaleńni.
Heta možna razhladać jak sihnał Trampu, što jeŭrapiejcy majuć namier abaraniać Arktyku, piša Bild.
Ministr abarony Danii Truels Łund Poulsien na pres-kanfierencyi patłumačyŭ, što zadača dackich padraździaleńniaŭ na miescy — umacoŭvać vajennuju prysutnaść u Hrenłandyi, achoŭvać klučavyja abjekty i ŭ vypadku varožych dziejańniaŭ abaraniać terytoryju i ŭstupać u boj.
Poulsien publična paćvierdziŭ, što ciapier aficyjna dziejničaje tak zvany karaleŭski zahad ab vykarystańni sił. Taki zahad dazvalaje vojskam prymianiać vajennuju siłu ŭ vypadku pahrozy. Heta aznačaje, što kali dackija sałdaty padvierhnucca napadu, im nie treba čakać dadatkovych palityčnych ukazańniaŭ: jany abaviazany ŭstupić u boj niezaležna ad taho, chto znachodzicca pa druhi bok.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1818
Kamientary