Syn iranskaha šacha Reza Piechlevi zaklikaje da dalejšych pratestaŭ
Reza Piechlevi, syn šacha, zrynutaha ŭ 1979 hodzie, i adzin z hałoŭnych krytykaŭ ciapierašniaha režymu ŭ Iranie, zaklikaŭ svoj narod da dalejšych pratestaŭ.
«Maje mužnyja suajčyńniki pavinny z suboty pa paniadziełak uźniać svaje hałasy hnievu i pratestu, — napisaŭ Reza Piechlevi na płatformie X. — Śviet bačyć vašu advahu i budzie akazvać vašaj nacyjanalnaj revalucyi bolš vyraznuju i praktyčnuju padtrymku».
Tym časam całkam mahčyma, što pratesty ŭ Iranie poŭnaściu zadušanyja.
Pavodle słoŭ žycharoŭ Tehierana, praz maštab represij i vialikuju kolkaść zahinułych vuličnyja akcyi na hetym tydni amal spynilisia, a prysutnaść siłavikoŭ u stalicy stała paŭsiudnaj, što nahadvaje ŭmovy vajennaha stanovišča.
Pravaabarončaja arhanizacyja Hengaw, jakaja bazujecca ŭ Narviehii, paviedamiła, što z 11 studzienia ŭ Iranie nie było zafiksavana nivodnaj bujnoj demanstracyi. U mnohich haradach nazirajecca mocnaja militaryzacyja, tysiačy ludziej zatrymanyja, častka ŭniviersitetaŭ zakrytaja.
Pavodle acenak izrailskaha Ministerstva abarony, na jakija spasyłajecca The New York Times, pratesty rezka pajšli na spad paśla taho, jak siłavyja struktury pačali šyroka vykarystoŭvać bajavyja patrony i adklučyli internet.
Apytanyja Reuters žychary Tehierana paćvierdzili, što vulicy ŭžo niekalki dzion zastajucca adnosna spakojnymi.
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny26
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary
zapad očieriednoj raz pokazał svoju bieschriebietnosť i połnoje nieumienije polzovaťsia situacijej. mohli by prosto i elehantno pokončiť s ciełym vahonom problem.. da, pojaviliś by novyje, no ich masštab nie sopostavim s tiem, čto imiejetsia na dannym momient.
omierzitielnoje zrieliŝie.