Były prahramist Połackaha rajvykankama viarnuŭsia z Varšavy. Atrymaŭ palityčny termin i status «terarysta»
32-hadovy Viačasłaŭ Dziemiančonak byŭ abvinavačany ŭ «naniasieńni škody nacyjanalnaj biaśpiecy Biełarusi».
Siłaviki dadali ŭ śpisy «ekstremistaŭ» i «terarystaŭ» 32-hadovaha žychara Navapołacka Viačasłava Dziemiančonka. Jaho palityčny prysud pa č. 3 art. 361 Kryminalnaha kodeksa ŭstupiŭ u siłu.
Dziemiančonka abvinavačvali ŭ «škodzie nacyjalnaj biaśpiecy Biełarusi». Jamu mahli prysudzić ad 4 da 12 hadoŭ źniavoleńnia, adnak prysud u lubym razie źviazany z kałonijaj. Sutnaść abvinavačvańnia i dakładny termin nieviadomyja.
Viačasłaŭ Dziemiančonak naradziŭsia ŭ 1993 hodzie ŭ vioscy Špakoŭščyna Połackaha rajona. U 2013-m skončyŭ Połacki handlovy-technałahičny kaledž pa śpiecyjalnaści «technik-prahramist» i trapiŭ na hod na pracu ŭ adździeł kultury Połackaha rajvykankama, byŭ tam inžynieram-prahramistam. Dalej uładkavaŭsia elektramancioram u Połacki adździeł Departamienta achovy MUS. Paśla pracavaŭ prahramistam u Połackim psichanieŭrałahičnym doma-internacie dla sastarełych i invalidaŭ.
U 2021-m Dziemiančonak skončyŭ fakultet infarmacyjnych technałohij Połackaha dziaržaŭnaha ŭniviersiteta, paśla čaho pracavaŭ inžynieram-elektronščykam u Navapołackaj centralnaj rajonnaj balnicy, adkul zvolniŭsia vosieńniu 2022 hoda.
Za nastupnyja hady ŭ sacsietkach byli paznaki, što chłopiec žyŭ u Hrodnie i ŭ Varšavie. Apošni raz Dziemiančonak byŭ anłajn u kancy 2023 hoda. Paśla hetaha, chutčej za ŭsio, i byŭ aryštavany.
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary