20-hadovaja dziaŭčyna z Bresta zapisała žartaŭlivy tyktok pra śmierć u DTZ — i ŭ toj ža viečar raźbiłasia
«Kali ja budu za rulom i niechta ŭklučyć hety trek, my razabjomsia», — padpisała svoj rolik u tyktoku Alaksandra Šlažko. Praź niekalki hadzin jana, nie majučy pravoŭ, sieła za rul UAZa i trapiła ŭ śmiarotnuju avaryju.
Dniom 4 maja 20-hadovaja Alaksandra Šlažko z Bresta vykłała ŭ tyktok čorna-biełaje videa. U im dziaŭčyna krucicca pad pieśniu «NŁA». «Maja pieradśmiarotnaja spoviedź», — śpiavaje tam rasijski repier Pharaoh.
Praź niekalki hadzin Alaksandra zahinuła ŭ darožnaj avaryi.
Jak stała viadoma ź milicejskaha paviedamleńnia, dziaŭčyna kiravała UAZam. Jana jechała pa vulicy Kastryčnickaj revalucyi, a niedaloka ad kartynhavaha stadyjona nie dała rady kiravańniu i ŭrezałasia ŭ pryparkavany Audi. Ad udaru jaje aŭtamabil adkinuła, jon sutyknuŭsia z drevam.
Dziaŭčyna zahinuła na miescy avaryi, jaje 20-hadovy spadarožnik trapiŭ u balnicu. Pa infarmacyi milicyi, jana nie mieła paśviedčańnia kiroŭcy.
Alaksandra Šlažko vučyłasia na druhim kursie Bresckaha dziaržaŭnaha ŭniviersiteta na fakultecie fizičnaha vychavańnia i sportu, udzielničała ŭ spabornictvach pa žanočym valejbole.
23-hadovaja biełaruska vyžyła ŭ žudasnym DTZ, ale ciapier nie moža chadzić. Jaje historyja dakazvaje, što kachańnie isnuje
«Try-piać razoŭ pierakulilisia»: Alaksandr Saładucha z synam trapiŭ u žudasnaje DTZ — FOTY
Minskaja błohierka trahična zahinuła ŭ rasijskim Sievieramorsku. Joj było ŭsiaho 33 hady
Kamientary