Hramadstva2525

Cimanoŭskaja abvinavaciła byłoha muža ŭ supracy z KDB

Biełaruskaja spryntarka, jakaja z 2023 hoda vystupaje za Polšču, zrabiła hučnuju zajavu.

Arsień Zdanievič i Kryścina Cimanoŭskaja. Archiŭnaje fota z sacyjalnych sietak spartoŭki

Kryścina Cimanoŭskaja niekalki dzion tamu dała intervju polskamu vydańniu Interia Sport, dzie siarod inšaha raskazała pra svajho byłoha muža Arsienia Zdanieviča.

Kryścina i Arsień byli razam dzieviać hadoŭ, ź ich šeść u aficyjnym šlubie. U chutkim časie paśla hrandyjoznaha skandału z udziełam Kryściny na Alimpijadzie ŭ Tokia mužčyna vyjechaŭ ź Biełarusi, paličyŭšy, što jamu niebiaśpiečna tam zastavacca.

Paźniej biahucha raspaviadała, što za dva hady vymušanaha pierajezdu ŭ Polšču jany niekalki razoŭ rasstavalisia. U vyniku para ŭsio ž raźviałasia ŭ 2023 hodzie.

U lutym 2025 hoda stała viadoma, što Zdanievič viarnuŭsia ŭ Biełaruś i pracuje na nizkaapłatnych fizičnych pracach. 

Pa słovach Cimanoŭskaj, historyja z razvodam jaje asabliva nie chvalavała.

«Byŭ sud, i ŭsio vyrašałasia tam. My rasstalisia paśla čempijanatu śvietu ŭ Budapiešcie, i praź niekalki miesiacaŭ sud vynies rašeńnie ab razvodzie. Adzinaja prablema ŭ tym, što jon skraŭ šmat hrošaj i pajechaŭ z Polščy. Ale ciapier ja ŭžo ničoha nie mahu zrabić», — zajaviła spartsmienka.

U toj ža čas jana vykazała zaniepakojenaść tym, što jaje były muž, jaki taksama atrymaŭ polskaje hramadzianstva, ciapier supracoŭničaje z KDB.

«Jon atrymaŭ jaho [hramadzianstva] pa majoj prośbie. Ja napisała prezidentu Polščy, što chaču vystupać za Polšču i chacieła b źmianić hramadzianstva. Tam ja zhadała, što ŭ mianie jość muž, i što ja chacieła b, kab jon zastaŭsia ŭ Polščy, bo jon maja padtrymka. Ja vielmi chacieła, kab jon taksama atrymaŭ hramadzianstva. I jon atrymaŭ.

Adnak ciapier jon znachodzicca ŭ Biełarusi i supracoŭničaje tam z KDB. Ciapier jon tam kaža, što nikoli nie chacieŭ polskaha hramadzianstva i što jamu jano zusim nie patrebna. Mnie dziŭna, što ŭ Polščy nichto nie źviarnuŭ uvahi na toj fakt, što naš hramadzianin supracoŭničaje z KDB», — cytuje vydańnie słovy Cimanoŭskaj.

Na pytańnie karespandenta, ci ličyć jana, što Arsień supracoŭničaŭ z KDB u čas, kali jany byli žanatyja, žančyna adkazała: «Nie dumaju, ale chto viedaje».

Jana dadała, što źviartałasia da polskich čynoŭnikaŭ, ale tyja adkazali, što treba ŭsio apisać piśmova. A pakolki hramadzianstva było vydadziena na padstavie prezidenckaha podpisu, pazbavić jaho składana. Cimanoŭskaja padkreślivaje, što nie choča, kab jaje były muž znoŭ abjaviŭsia ŭ Polščy:

«Ja b nie chacieła, kab jon znoŭ pryjazdžaŭ u Polšču. Bo nieviadoma, što jon moža zrabić u našaj krainie, kali supracoŭničaje z KDB. Nie skažu, što bajusia, što jon pryjedzie da mianie, ale mnie dakładna niekamfortna».

U tym ža intervju Cimanoŭskaja raskazała, što ciapier znachodzicca ŭ adnosinach ź inšym mužčynam, ale pakul nie płanuje viasiella:

«Moj chłopiec znachodzicca ŭ ZŠA, a ja ŭ Polščy. Dla mianie heta navat nie tak i drenna, bo ja mahu skancentravacca na treniroŭkach. Jon taksama vielmi mianie padtrymlivaje — praŭda, tolki pa telefonie. U mianie ciapier šmat času i na treniroŭki, i dla siabie samoj».

Kamientary25

  • daviedka
    06.05.2025
    Timanovskuju nie smuŝajet postojannoje obraŝienije polakov k dievuškam «kurva», kak bukvalno na dniach rasskazyvała byvšaja biełorussko-polskaja studientka na BT. )))
  • FF
    06.05.2025
    «Ja b nie chacieła, kab jon znoŭ pryjazdžaŭ u Polšču. Bo nieviadoma, što jon moža zrabić u našaj krainie, kali supracoŭničaje z KDB»

    Našaj krainie? Hetym usio skazana. Bačyła jana hetuju Biełaruś i niejkaje zmahańnie z hmachu ŭ centry Varšavy. Chajpanuła na palitycy, atrymała ščaślivy bilet i žyvie spakojna ŭ Jeŭropie.

    Jakaja niebiaśpieka pahražała Cimanoŭskaj za admovu vystupić na Alimpijadzie? Nijakaj! Sa zbornaj vyklučyli b, karjera b u Biełarusi skončyłasia – i ŭsio na hetym. Dobramu spartoŭcu źmianić zbornuju nie prablema. Ale jana pačała hyrhyčyć, što jaje pasadziać u turmu i jak joj strašna. I, na žal, takich bahata.

    I heta ŭ toj momant, kali, naprykład, Źmicier Daškievič, jaki hetamu režymu siadzić u vantrobach, zastavaŭsia ŭ Biełarusi navat u 2022 hodzie i ciapier siadzić, a pa Jeŭropach nie prasiŭsia. Lavon Barščeŭski, jaki šmat režymu nasaliŭ, dahetul u Biełarusi na voli! A Nina Brahinskaja chiba ŭvohule vyjazdžała ŭ JEZ?

    Voś kamu pahražała i pahražaje sapraŭdnaja niebiaśpieka, ale nivodnaha razu jany nie pijarylisia na joj.
  • Fu
    06.05.2025
    [Red. vydalena]

Ciapier čytajuć

Ziankovič nazvaŭ imia pravakatara, ź jakoha pačałasia sprava zmoŭščykaŭ suprać Łukašenki. Jaho karjera ciapier pajšła ŭharu13

Ziankovič nazvaŭ imia pravakatara, ź jakoha pačałasia sprava zmoŭščykaŭ suprać Łukašenki. Jaho karjera ciapier pajšła ŭharu

Usie naviny →
Usie naviny

Rasijski čynoŭnik uciok z-pad kanvoju ŭ sudzie i schavaŭsia ŭ konsulstvie Armienii. Historyja skončyłasia trahična3

Cichanoŭskaja sustrakałasia z Kiełaham u Ńju-Jorku6

Snoop Dogg zhadziŭsia pravieści kancert u Rasii5

Rekłamny banier z Alaksandram Hlebam paviesili na tym skryžavańni ŭ Minsku, dzie jon staŭ udzielnikam śmiarotnaj avaryi12

Naŭrocki ŭ AAN nazvaŭ situacyju z pravami čałavieka ŭ Biełarusi pryjarytetam Polščy5

Pryznańnie paleścinskaj dziaržavy: ZŠA zastajucca adzinaj siłaj, čyj hołas budzie mieć vyrašalnaje značeńnie15

«Rejv na zavodzie». Zumiery padymajuć prodažy biełaruskich pradpryjemstvaŭ, zdymajučy virusny kantent14

Zialenski nazvaŭ umovu vyłučeńnia Trampa na Nobieleŭskuju premiju3

Na Minskim mory jachtu vahoj 18 ton vykinuła na plaž1

bolš čytanych navin
bolš łajkanych navin

Ziankovič nazvaŭ imia pravakatara, ź jakoha pačałasia sprava zmoŭščykaŭ suprać Łukašenki. Jaho karjera ciapier pajšła ŭharu13

Ziankovič nazvaŭ imia pravakatara, ź jakoha pačałasia sprava zmoŭščykaŭ suprać Łukašenki. Jaho karjera ciapier pajšła ŭharu

Hałoŭnaje
Usie naviny →

Zaŭvaha:

 

 

 

 

Zakryć Paviedamić