Грамадства2525

Ціманоўская абвінаваціла былога мужа ў супрацы з КДБ

Беларуская спрынтарка, якая з 2023 года выступае за Польшчу, зрабіла гучную заяву.

Арсень Зданевіч і Крысціна Ціманоўская. Архіўнае фота з сацыяльных сетак спартоўкі

Крысціна Ціманоўская некалькі дзён таму дала інтэрв’ю польскаму выданню Interia Sport, дзе сярод іншага расказала пра свайго былога мужа Арсеня Зданевіча.

Крысціна і Арсень былі разам дзевяць гадоў, з іх шэсць у афіцыйным шлюбе. У хуткім часе пасля грандыёзнага скандалу з удзелам Крысціны на Алімпіядзе ў Токіа мужчына выехаў з Беларусі, палічыўшы, што яму небяспечна там заставацца.

Пазней бягуха распавядала, што за два гады вымушанага пераезду ў Польшчу яны некалькі разоў расставаліся. У выніку пара ўсё ж развялася ў 2023 годзе.

У лютым 2025 года стала вядома, што Зданевіч вярнуўся ў Беларусь і працуе на нізкааплатных фізічных працах. 

Па словах Ціманоўскай, гісторыя з разводам яе асабліва не хвалявала.

«Быў суд, і ўсё вырашалася там. Мы рассталіся пасля чэмпіянату свету ў Будапешце, і праз некалькі месяцаў суд вынес рашэнне аб разводзе. Адзіная праблема ў тым, што ён скраў шмат грошай і паехаў з Польшчы. Але цяпер я ўжо нічога не магу зрабіць», — заявіла спартсменка.

У той жа час яна выказала занепакоенасць тым, што яе былы муж, які таксама атрымаў польскае грамадзянства, цяпер супрацоўнічае з КДБ.

«Ён атрымаў яго [грамадзянства] па маёй просьбе. Я напісала прэзідэнту Польшчы, што хачу выступаць за Польшчу і хацела б змяніць грамадзянства. Там я згадала, што ў мяне ёсць муж, і што я хацела б, каб ён застаўся ў Польшчы, бо ён мая падтрымка. Я вельмі хацела, каб ён таксама атрымаў грамадзянства. І ён атрымаў.

Аднак цяпер ён знаходзіцца ў Беларусі і супрацоўнічае там з КДБ. Цяпер ён там кажа, што ніколі не хацеў польскага грамадзянства і што яму яно зусім не патрэбна. Мне дзіўна, што ў Польшчы ніхто не звярнуў увагі на той факт, што наш грамадзянін супрацоўнічае з КДБ», — цытуе выданне словы Ціманоўскай.

На пытанне карэспандэнта, ці лічыць яна, што Арсень супрацоўнічаў з КДБ у час, калі яны былі жанатыя, жанчына адказала: «Не думаю, але хто ведае».

Яна дадала, што звярталася да польскіх чыноўнікаў, але тыя адказалі, што трэба ўсё апісаць пісьмова. А паколькі грамадзянства было выдадзена на падставе прэзідэнцкага подпісу, пазбавіць яго складана. Ціманоўская падкрэслівае, што не хоча, каб яе былы муж зноў аб’явіўся ў Польшчы:

«Я б не хацела, каб ён зноў прыязджаў у Польшчу. Бо невядома, што ён можа зрабіць у нашай краіне, калі супрацоўнічае з КДБ. Не скажу, што баюся, што ён прыедзе да мяне, але мне дакладна некамфортна».

У тым жа інтэрв’ю Ціманоўская расказала, што цяпер знаходзіцца ў адносінах з іншым мужчынам, але пакуль не плануе вяселля:

«Мой хлопец знаходзіцца ў ЗША, а я ў Польшчы. Для мяне гэта нават не так і дрэнна, бо я магу сканцэнтравацца на трэніроўках. Ён таксама вельмі мяне падтрымлівае — праўда, толькі па тэлефоне. У мяне цяпер шмат часу і на трэніроўкі, і для сябе самой».

Каментары25

  • даведка
    06.05.2025
    Тимановскую не смущает постоянное обращение поляков к девушкам «курва», как буквально на днях рассказывала бывшая белорусско-польская студентка на БТ. )))
  • FF
    06.05.2025
    «Я б не хацела, каб ён зноў прыязджаў у Польшчу. Бо невядома, што ён можа зрабіць у нашай краіне, калі супрацоўнічае з КДБ»

    Нашай краіне? Гэтым усё сказана. Бачыла яна гэтую Беларусь і нейкае змаганне з гмаху ў цэнтры Варшавы. Хайпанула на палітыцы, атрымала шчаслівы білет і жыве спакойна ў Еўропе.

    Якая небяспека пагражала Ціманоўскай за адмову выступіць на Алімпіядзе? Ніякай! Са зборнай выключылі б, кар'ера б у Беларусі скончылася – і ўсё на гэтым. Добраму спартоўцу змяніць зборную не праблема. Але яна пачала гыргычыць, што яе пасадзяць у турму і як ёй страшна. І, на жаль, такіх багата.

    І гэта ў той момант, калі, напрыклад, Зміцер Дашкевіч, які гэтаму рэжыму сядзіць у вантробах, заставаўся ў Беларусі нават у 2022 годзе і цяпер сядзіць, а па Еўропах не прасіўся. Лявон Баршчэўскі, які шмат рэжыму насаліў, дагэтуль у Беларусі на волі! А Ніна Брагінская хіба ўвогуле выязджала ў ЕЗ?

    Вось каму пагражала і пагражае сапраўдная небяспека, але ніводнага разу яны не піярыліся на ёй.
  • Фу
    06.05.2025
    [Рэд. выдалена]

Цяпер чытаюць

Зянковіч назваў імя правакатара, з якога пачалася справа змоўшчыкаў супраць Лукашэнкі. Яго кар'ера цяпер пайшла ўгару19

Зянковіч назваў імя правакатара, з якога пачалася справа змоўшчыкаў супраць Лукашэнкі. Яго кар'ера цяпер пайшла ўгару

Усе навіны →
Усе навіны

Беларусь атрымала афіцыйнае паведамленне ад польскага боку пра адкрыццё мяжы

Расійскі чыноўнік уцёк з-пад канвою ў судзе і схаваўся ў консульстве Арменіі. Гісторыя скончылася трагічна3

Ціханоўская сустракалася з Келагам у Нью-Ёрку6

Snoop Dogg згадзіўся правесці канцэрт у Расіі5

Рэкламны банер з Аляксандрам Глебам павесілі на тым скрыжаванні ў Мінску, дзе ён стаў удзельнікам смяротнай аварыі12

Наўроцкі ў ААН назваў сітуацыю з правамі чалавека ў Беларусі прыярытэтам Польшчы5

Прызнанне палесцінскай дзяржавы: ЗША застаюцца адзінай сілай, чый голас будзе мець вырашальнае значэнне15

«Рэйв на заводзе». Зумеры падымаюць продажы беларускіх прадпрыемстваў, здымаючы вірусны кантэнт14

Зяленскі назваў умову вылучэння Трампа на Нобелеўскую прэмію3

больш чытаных навін
больш лайканых навін

Зянковіч назваў імя правакатара, з якога пачалася справа змоўшчыкаў супраць Лукашэнкі. Яго кар'ера цяпер пайшла ўгару19

Зянковіч назваў імя правакатара, з якога пачалася справа змоўшчыкаў супраць Лукашэнкі. Яго кар'ера цяпер пайшла ўгару

Галоўнае
Усе навіны →

Заўвага:

 

 

 

 

Закрыць Паведаміць