SK adreahavaŭ na danos Cimanoŭskaj i budzie praviarać jaje byłoha muža na «ekstremizm»
SK vypuściŭ admysłovaje paviedamleńnie, dzie adkazaŭ na zavočnuju zajavu Kryściny Cimanoŭskaj, jakaja ŭ sacsietkach raspaviała pra vychady na pratesty ŭ 2020 hodzie byłoha muža i tehnuła pry hetym akaŭnty siłavikoŭ.
«Pa dadzienych śledstva, u lutym biahučaha hoda ŭ sietcy internet, u tym liku ŭ sacyjalnych sietkach, źjaviłasia infarmacyja ab tym, što ŭ Biełarusi znachodzicca Arsienij Zdanievič, jaki, zychodziačy z tekstaŭ publikacyj, prymaŭ udzieł u ekstremisckich akcyjach, nakiravanych na dyskredytacyju Respubliki Biełaruś i dziejučaj ułady, vykarystaŭ adpaviednuju simvoliku i ździajśniaŭ inšyja dziejańni, nakiravanyja na raspalvańnie sacyjalnaj varožaści i varožaści. Karystalniki sieciva spasyłajucca na krynicu ŭ asobie byłoj žonki A. Zdanieviča — udzielnicy adnaho z ekstremisckich farmavańniaŭ K. Cimanoŭskaj, jakaja ciapier znachodzicca za miežami Biełarusi», — piša SK.
Pavodle SK, razhladajecca pytańnie ab «mahčymym pryciahnieńni Zdanieviča» da adkaznaści.
Dniami Cimanoŭskaja apublikavała storys, dzie raskazała pra byłoha muža, jaki pajechaŭ u Biełaruś: «Pa-pieršaje, jon atrymaŭ u Polščy polskaje hramadzianstva praz podpis prezidenta za 9 miesiacaŭ, tamu što źjaŭlajecca palityčnym uciekačom i pry padačy na hramadzianstva paznačyŭ u ankiecie, što jamu niebiaśpiečna viartacca ŭ Biełaruś. Pa-druhoje, jon davaŭ šmat intervju suprać ułady, a taksama ŭ jaho było šmat storys pra 2020, vybary, mitynhi i vajnu va Ukrainie. Pa-treciaje, razam sa mnoj jon chadziŭ na mitynhi ŭ Polščy i nasiŭ BČB-ściah».
Kryścina tehnuła ŭ svaich storys akaŭnty MUS Biełarusi, a taksama pamiežnaj słužby.
Na pytańnie «Lusterka», ci nie budzie biahucha siabie vinavacić, kali byłoha muža pasadziać, jana adkazała admoŭna.
Kryścina Cimanoŭskaja i Arsienij Zdanievič byli razam dzieviać hadoŭ, ź ich šeść u aficyjnym šlubie. U chutkim časie paśla hrandyjoznaha skandału z udziełam Kryściny na Alimpijadzie ŭ Tokia Arsienij źjechaŭ ź Biełarusi, paličyŭšy, što jamu niebiaśpiečna tam zastavacca.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio45
Kamientary