Mienavita Makron i Starmier pierakanali Trampa źmianić dumku adnosna Pucina
Prezident ZŠA źmianiŭ rytoryku adnosna rasijskaha lidara Uładzimira Pucina paśla niekalkich miesiacaŭ niepubličnych dypłamatyčnych namahańniaŭ z boku premjer-ministra Vialikabrytanii Kira Starmiera i prezidenta Francyi Emanuela Makrona, piša Politico sa spasyłkaj na krynicy ŭ jeŭrapiejskich uradavych kołach, na ŭmovach ananimnaści.
Pavodle vydańnia, źmiena kursu Trampa stała vynikam praciahłaj kaardynacyi dziejańniaŭ pamiž Łondanam, Paryžam i Vašynhtonam. Starmier i Makron imknulisia pierakanać amierykanskaha prezidenta źmienšyć cisk na Uładzimira Zialenskaha i nakiravać častku svajoj złości na Pucina, vykarystoŭvajučy arhumient, što Pucin robić z Trampa durnia.
«Publičnaja krytyka prezidenta ZŠA na adras Pucina dazvoliła dypłamatam u Łondanie i Paryžy strymana ścisnuć kułaki ad zadavalnieńnia — ich namahańni ciaham apošnich troch miesiacaŭ, padajecca, pačali prynosić płady», — piša Politico.
Vydańnie paviedamlaje, što klučavuju rolu ŭ pieramovach z amierykanskaj administracyjaj adyhryvali daradca pa nacyjanalnaj biaśpiecy Vialikabrytanii Džonatan Paŭeł i ministr abarony Džon Hili. Ich namahańni kaardynavalisia z pasłom ZŠA ŭ Vialikabrytanii Markam Biernietam. Sa svajho boku, ministr zamiežnych spraŭ Brytanii Devid Lemi paviedamiŭ, što tolki sioleta mieŭ 13 razmoŭ ź dziaržaŭnym sakratarom ZŠA Marka Rubia, Starmier z Trampam — «amal» stolki ž.
«Zialenskamu adnaznačna ŭdałosia paŭpłyvać na chod dumak Trampa ŭ Rymie», — skazaŭ adzin z byłych brytanskich pasłoŭ na ŭmovach ananimnaści.
Pavodle jaho słoŭ, Brytanija i Francyja pastajanna padkreślivali, što Pucin «prajaŭlaje niepavahu (da Trampa), pastajanna parušajučy pieramirje, jakoje sam ža i abviaściŭ».
Ukraina i ZŠA padpisali pahadnieńnie pa pryrodnych resursach
Rasija zhodnaja abmiarkoŭvać pytańnie pieradačy ZŠA kantrolu nad Zaparožskaj AES
Stała viadoma, pra što mahli razmaŭlać Zialenski i Tramp padčas sustrečy ŭ Vatykanie
Tramp vieryć, što Pucin choča spynić vajnu, ale dapuskaje, što toj «duryć jamu hałavu»
«Šancy na spynieńnie ahniu roŭnyja nulu». ZŠA paviedamili Jeŭropie, što pieramovy z Pucinym zajšli ŭ tupik
Kamientary
A jon sam taho nie razumieŭ? Tady toj samy i jość.
Voś vybieruć niedareku, a paśla treba vadzić karahody vakoł jaho, vychoŭvać i raźvivać.
Pytańni da Vas ...)))
Ja razumieŭ i da vybaraŭ.
Mabyć, u Vas nierazumieńnie rytaryčnych fihur.