KNDR upieršyniu paćvierdziła, što nakiravała svaich vajskoŭcaŭ u Rasiju dla ŭdziełu ŭ vajnie z Ukrainaj, paviedamlaje Yonhap sa spasyłkaj na Centralnaje telehrafnaje ahienctva Karei (KCNA).
Pavodle danych KCNA, pierakidka vojskaŭ była ažyćcioŭlena «pa zahadu paŭnočnakarejskaha lidara Kim Čen Yna» ŭ adpaviednaści z damovaj ab usioabdymnym stratehičnym partniorstvie pamiž dźviuma krainami.
«Pieramohaj zaviaršylisia apieracyi pa vyzvaleńni Kurskaj vobłaści dla adbićcia avanturnaha ŭvarvańnia ŭkrainskich uładaŭ u Rasijskuju Fiederacyju», — havorycca ŭ paviedamleńni KCNA.
Tam dadajecca, što padraździaleńni Uzbrojenych sił KNDR udzielničali ŭ apieracyjach «zhodna z zahadam kiraŭnika dziaržavy Kim Čen Yna».
Kim Čen Yn paabiacaŭ, što armija KNDR budzie i dalej dapamahać Rasii.
«Pchieńjan i nadalej budzie niaźmienna i poŭnaściu padtrymlivać śviaščennuju spravu armii i naroda Rasii, zaŭsiody budzie zastavacca addanym lubym dziejańniam, zasnavanym na duchu miždziaržaŭnaj damovy pamiž KNDR i RF», — cytuje słovy pravadara Paŭnočnaj Karei Centralnaje telehrafnaje ahienctva.
U subotu kiraŭnik rasijskaha Hienštaba Valeryj Hierasimaŭ, dakładvajučy Uładzimiru Pucinu pra situacyju ŭ Kurskaj vobłaści, zajaviŭ, što «paŭnočnakarejskija vajskoŭcy akazali značnuju dapamohu pry vyzvaleńni rehijona».
Zajava Hierasimava stała pieršym aficyjnym paćviardžeńniem pierakidki vojskaŭ KNDR u Rasiju, nahadvaje Bi-bi-si.
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki31
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1717
Kamientary