Udzieł Paŭnočnaj Karei ŭ vajnie Rasii suprać Ukrainy ŭžo prynios jaje ekanomicy bolš za $20 młrd, paviedamiŭ Newsweek sa spasyłkaj na dakład paŭdniovakarejskaha analityčnaha centra KIDA.
Pavodle raźlikaŭ KIDA, asnoŭnaja častka dachodaŭ prypadaje na pastaŭki bojeprypasaŭ u Rasiju. Rasijskaja armija va Ukrainie akazałasia nadzvyčaj zaležnaj ad pastavak artyleryjskich bojeprypasaŭ z Paŭnočnaj Karei.
U siarednim Pchieńjan zabiaśpiečvaje vojski RF pałovaj nieabchodnych snaradaŭ, adnak niekatoryja padraździaleńni zaležać ad paŭnočnakarejskich bojeprypasaŭ na 100%.
KNDR taksama atrymlivaje vyhadu ad adpraŭki tysiač vajskoŭcaŭ dla ŭdziełu ŭ bajavych dziejańniach i atrymlivaje vajennuju techniku. Straty siarod paŭnočnakarejskich vojskaŭ akazalisia značnymi — pavodle acenak, z 11 000 adpraŭlenych sałdat zahinuli kala 4 000.
Bolšaść ź ich vajavali ŭ Kurskaj vobłaści. Jak adznačaje KIDA, Paŭnočnaja Kareja, vierahodna, addaje pieravahu atrymlivać ad Rasii nie hrošy, a «naturalnuju dapamohu i techničnaje sadziejničańnie», u tym liku vysokatechnałahičnuju zbroju. Jana ŭzmacniaje jaje vajenny patencyjał i sadziejničaje dasiahnieńniu stratehičnych metaŭ, piša Moscow Times.
Dakład KIDA paćviardžajecca niezaležnym analizam, praviedzienym Centram adkrytych krynic (Open Source Centre) sumiesna z ahienctvam Reuters.
Pavodle acenak Reuters, pamiž žniŭniem 2023 hoda i sakavikom 2025 hoda Paŭnočnaja Kareja adpraviła ŭ Rasiju bolš za 15 800 kantejnieraŭ z bojeprypasami. Vykarystoŭvajučy spadarožnikavyja zdymki, daśledčyki padličyli, što 64 rejsy, vykananyja rasijskimi sudnami, mahli dastavić ad 4,2 da 5,8 miljona adzinak bojeprypasaŭ paŭnočnakarejskaj vytvorčaści.
Isnuje vostraja nieabchodnaść u spynieńni vajny i pryniaćci mier pa błakiroŭcy vajennaha supracoŭnictva pamiž Rasijaj i Paŭnočnaj Karejaj, a taksama ŭ doŭhaterminovaj stratehii reahavańnia na jaho, zajavili aŭtary dakładu KIDA: «Vajennaje supracoŭnictva pamiž Rasijaj i Paŭnočnaj Karejaj pavyšaje vierahodnaść taho, što Rasija ŭmiašajecca ŭ situacyju na Karejskim paŭvostravie ŭ vypadku nadzvyčajnaj situacyi».
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia19
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary