Historyja Biełarusi — u top-5. Pieraličanyja samyja papularnyja pradmiety CT u 2025 hodzie
Centralizavanaje teściravańnie ŭ hetym hodzie buduć zdavać bolš za 60 tysiač čałaviek.
Na centralizavanaje teściravańnie ŭ 2025 hodzie zapisalisia bolš za 60,6 tysiačy čałaviek.
Pra heta raskazaŭ dyrektar Respublikanskaha instytuta kantrolu viedaŭ Juryj Miksiuk. U lidarach siarod samych papularnych u abituryjentaŭ pradmietaŭ zamiežnaja mova, piša BiełTA.
«Ahulnaja kolkaść zarehistravanych na CT — bolš za 60,6 tysiačy čałaviek. Jany napišuć bolš za 86,2 tysiačy testaŭ. Na pieršym miescy pa papularnaści zamiežnaja mova, zdavać jaje buduć bolš za 17,1 tysiačy abituryjentaŭ. Na fiziku zarehistravałasia bolš za 13,7 tysiačy čałaviek.
Padciahnułasia ruskaja mova, jaje zdavać płanujuć bolš za 11,5 tysiačy pastupajučych. Na matematyku zarehistravałasia bolš za 11,4 tysiačy čałaviek. Zamykaje top-5 pradmietaŭ historyja Biełarusi i bolš za 8,5 tysiačy tych, chto zdaje», — raskazaŭ Miksiuk.
Centralizavanyja ekzamieny i CT projduć u adzinyja terminy dla vypusknikoŭ 2025 hoda, vypusknikoŭ minułych hadoŭ i vypusknikoŭ kaledžaŭ.
- 26 maja — CE pa pradmiecie na vybar dla 11-kłaśnikaŭ i CT pa pradmiecie na vybar dla vypusknikoŭ minułych hadoŭ i vypusknikoŭ kaledžaŭ.
- 29 maja — CE pa biełaruskaj abo ruskaj movie dla 11-kłaśnikaŭ i CT pa biełaruskaj abo ruskaj movie dla vypusknikoŭ minułych hadoŭ i vypusknikoŭ kaledžaŭ
- 2 i 5 červienia — CT pa pradmiecie na vybar dla ŭsich abituryjentaŭ.
Reziervovymi dniami dla CT vyznačanyja 19, 21, 23 červienia. Reziervovyja dni dla CE — 21, 23 červienia, inšyja terminy — 18, 20 žniŭnia.
Tramp padziakavaŭ «mahutnamu lidaru Biełarusi»: Spadziajusia, 1300 čałaviek chutka buduć vyzvaleny!55
Tramp padziakavaŭ «mahutnamu lidaru Biełarusi»: Spadziajusia, 1300 čałaviek chutka buduć vyzvaleny!
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1010
Kamientary