Pajezdka ŭ aeraport — ad 90 da 150 rubloŭ. Biełaruski kankurent «Jandeks-taksi» ahučyŭ taryfy
Mabilny apieratar A1 zapuskaje servis taksi. Płanujecca, što jon zapracuje 1 maja.
Mabilny apieratar A1 zusim chutka zapuścić ułasny anłajn-servis taksi.
Kankurent rasijskaha «Jandeksu», jaki ŭ Biełarusi ŭ minułym hodzie pryznany manapalistam na hetym rynku, pavinien zapracavać 1 maja. Ale zapusk moža i zatrymacca z techničnych pryčyn, daviedałasia Tochka.by.
Kampanija ŭžo aznačyła taryfy. Płanaŭ budzie niekalki. Samy tanny — «Ekanom». Padača aŭtamabila abydziecca ŭ try rubli i bolš, a kiłamietr pa horadzie na takim taryfie budzie kaštavać 60 kapiejek. Pry hetym taryf nazyvajuć dynamičnym: cana, vidać, budzie źmianiacca ŭ zaležnaści ad popytu. Padača aŭtamabila ŭ niedynamičnym płanie «Standart» abydziecca ŭ siem rubloŭ, a kiłamietr pa horadzie budzie kaštavać 1,20 rubla.
Pradbačanyja taksama dva taryfy «Kamfort», a samym darahim budzie taryf «Biznes» — 12 rubloŭ za padaču i 2,5 rubla za kiłamietr pa horadzie. U hadzinu pik padača mašyny na ŭsich niadynamičnych taryfach budzie daražejšaj.
Budzie ŭ A1 asobny taryf dla pajezdak u aeraport «Minsk». Za takuju pajezdku daviadziecca addać 90 rubloŭ na mašynie ekanom-kłasa, 120 rubloŭ na taryfie «Kamfort» i 150 rubloŭ na «Biznesie». Za kožny kiłamietr zvyš 60 treba budzie dapłočvać asobna.
Ciapier čytajuć
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień11
Kamientary