Паездка ў аэрапорт — ад 90 да 150 рублёў. Беларускі канкурэнт «Яндэкс-таксі» агучыў тарыфы
Мабільны аператар А1 запускае сэрвіс таксі. Плануецца, што ён запрацуе 1 мая.
Мабільны аператар А1 зусім хутка запусціць уласны анлайн-сэрвіс таксі.
Канкурэнт расійскага «Яндэксу», які ў Беларусі ў мінулым годзе прызнаны манапалістам на гэтым рынку, павінен запрацаваць 1 мая. Але запуск можа і затрымацца з тэхнічных прычын, даведалася Tochka.by.
Кампанія ўжо азначыла тарыфы. Планаў будзе некалькі. Самы танны — «Эканом». Падача аўтамабіля абыдзецца ў тры рублі і больш, а кіламетр па горадзе на такім тарыфе будзе каштаваць 60 капеек. Пры гэтым тарыф называюць дынамічным: цана, відаць, будзе змяняцца ў залежнасці ад попыту. Падача аўтамабіля ў недынамiчным плане «Стандарт» абыдзецца ў сем рублёў, а кіламетр па горадзе будзе каштаваць 1,20 рубля.
Прадбачаныя таксама два тарыфы «Камфорт», а самым дарагім будзе тарыф «Бізнэс» — 12 рублёў за падачу і 2,5 рубля за кіламетр па горадзе. У гадзіну пік падача машыны на ўсіх нядынaмічных тарыфах будзе даражэйшай.
Будзе ў А1 асобны тарыф для паездак у аэрапорт «Мінск». За такую паездку давядзецца аддаць 90 рублёў на машыне эканом-класа, 120 рублёў на тарыфе «Камфорт» і 150 рублёў на «Бізнэсе». За кожны кіламетр звыш 60 трэба будзе даплочваць асобна.
Каментары