Nieruchomaść

Kolki hod spatrebicca pracavać minčuku ź miedyjannym zarobkam, kab kupić «dvušku» ŭ panelcy

Pra heta piša ŭ svaim telehram-kanale ekśpiert Natalla Litoŭskaja.

Zvyčajna hramadzian zasmučajuć źviestki pa siarednim zarobku, jon padajecca nadta vysokim. Da miedyjannaha pretenzij mienš — heta jakraz i jość «siaredzinka»: pałova rabotnikaŭ atrymlivaje bolš za hetuju sumu, druhaja — mienš. Miedyjanny zarobak Biełstat vyznačaje 2 razy na hod: u mai i listapadzie.

Apošni z ahučanych miedyjannych — za listapad minułaha hoda. Tady heta było 2252,6 rubla da ŭtrymańnia padatkaŭ. Adkidajem padatki i pracent FSAN — atrymlivajem 1937,2 rubla.

Roźnica pamiž siarednim i miedyjannym zarobkam u minułym hodzie składała 27,6%.

Kali praporcyi nie źmianilisia, ciapier možna prykinuć miedyjanny za sakavik. Siaredni naminalny byŭ 3332, adymajem 27,6%, atrymlivajem naminalny miedyjanny ŭ 2412 rubloŭ. Ci kala 2074 rubloŭ na ruki.

Ułasna, pavodle apytańniaŭ taki zarobak u Minsku — samy «časta sustrakajemy».

Davajcie prykiniem, kolki za jaho možna kupić «siaredniestatystyčnych» kvadratnych mietraŭ. U rublach «siaredniestatystyčny» ciapier — krychu vyšej za 5000.

Atrymlivajecca, na miedyjanny zarobak na ruki možna kupić kala 0,4 kvadratnaha mietra.

Kab zajmieć u Minsku 53-mietrovuju «dvušku» ŭ panelcy z 80-ch, treba źbirać, nie jeści i nie pić, 11 hadoŭ.

A jak ža kredyty?

Kali spytacca ŭ kalkulatara Biełarusbanka, jaki kredyt jon vydaść našamu ŭmoŭnamu hramadzianinu ź miedyjannaj zarpłataj na kvateru pa «Ipateka Ekspres»?

Voś raźlik. 53 635 rubloŭ i 80 kapiejek.

Łahičnaje pytańnie: chto kuplaje kvatery na druhasnym rynku ŭ Minsku?

U listapadzie 2024 hoda zarobak bolš za 5 tys. rubloŭ u miesiac atrymlivali 8,4% pracujučych minčan. Ciapier, napeŭna, hety pracent jašče krychu padros.

To-bok u Minsku pad sto tysiač čałaviek zdolnyja abo chutka nazapasić na kvateru, abo nazapasić plus uziać kredyt.

Zrazumieła, što bolšaści heta nie treba, pytańnie z žyllom daŭno zakryta, ale ŭsio ž — ludzi z hrašyma ŭ stalicy jość.

Jość dobra zarablajučyja hramadzianie i ŭ rehijonach — jany mohuć praspansavać sabie pierajezd abo nabyć kvateru dzieciam.

Ale samaja vialikaja katehoryja pakupnikoŭ (i tut ničoha nie mianiajecca hadami) — heta ludzi, jakim jość što pradać (spadčyna, u rehijonie ŭ tym liku), plus jość nazapašvańni abo mahčymaść dakredytavacca.

Kamientary

Ciapier čytajuć

Izrailski avijaŭdar pierarvaŭ efir dziaržteleradyjo Irana. Štab-kvatera TV źniščanaja VIDEA21

Izrailski avijaŭdar pierarvaŭ efir dziaržteleradyjo Irana. Štab-kvatera TV źniščanaja VIDEA

Usie naviny →
Usie naviny

Kala Śbier banka ŭ Minsku adkryvajuć pomnik kačcy

Na kanfierencyi Reshape 2025 aburylisia «tysiačami kanfierencyj», abvinavacili Cichanoŭskuju ŭ dyktatury i acanili vyniki 5 hadoŭ u emihracyi28

«Toje, što Izrail zrabiŭ ź Iranam, — heta toje, što Rasija chacieła zrabić z Ukrainaj»18

Žančyna złaviła na Prypiaci hihanckaha taŭstałobika. Jaho vaha — kala 60 kh1

Dziaŭčyncy z Polščy, achviaravać hrošy jakoj zaklikaŭ biełarus, sabrali patrebnuju sumu1

Piać faktaŭ pra novaha pres-sakratara MZS, jaki chamavataściu kosić pad Maryju Zacharavu10

Ministr abarony Izraila pryhraziŭ, što žychary Tehierana chutka zapłaciać za iranskija ataki na žyłyja kvartały2

Jak daviedacca, ci apyrskvali kłubnicy: adzin prosty sposab raskryje praŭdu4

Biełarusy mohuć admovicca ad niekatorych kamunalnych pasłuh3

bolš čytanych navin
bolš łajkanych navin

Izrailski avijaŭdar pierarvaŭ efir dziaržteleradyjo Irana. Štab-kvatera TV źniščanaja VIDEA21

Izrailski avijaŭdar pierarvaŭ efir dziaržteleradyjo Irana. Štab-kvatera TV źniščanaja VIDEA

Hałoŭnaje
Usie naviny →

Zaŭvaha:

 

 

 

 

Zakryć Paviedamić